"زوجى توفى من 10 سنين، وأنا طول عمرى بحب الشغل وكنت بساعده دايما واتعلمت أنزل السوق لوحدى، بصنع الفسيخ بأيدى وابيعه واكسب لقمتى بعرق جبينى عشان الشغل مش عيب"، بهذه الكلمات روت لنا الحاجة رضا، تفاصيل حكايتها مع تصنيع الفسيخ وبيعه فى شادر السمك ببورسعيد.
تقول الحاجة رضا لـ"اليوم السابع": طول عمرى بحب الشغل فى السمك لغاية ما اتعلمت إزاى أصنع الفسيخ وقررت أنزل السوق ويكون لى مكان وسط معلمين الشادر وأبيع وأقف زى أى معلم والسوق كله مفيش فيه سيدة غيرى والناس كلها بتشجعنى وبيقولوا لى أنتى بـ100 راجل.
وتضيف الحاجة رضا: أنا هفضل أقف أعمل فسخ وأبيعه لحد آخر يوم فى عمرى فى السوق ومفيش فرق ما بينى وبين أي راجل كلنا بنشتغل وبنحاول نسعى على رزقنا.
