كورة وداير فيها أراضين
على مدد الشوف مفرودة فدادين
رمل وصحرا، زرع وطين
شياطين وجن وبنى آدمين
شر وخير وناس تايهين
سما، بحور، انهار، جبال وليل ونهار
كون مليان اسرار، يعلمها القهار
شمس عاشقة نهار، وليل كاتم أسرار
قمر يتراحله مشوار، ياما زاره زوار
طير ومالى الكون، طاير فوق أراضيه
قوته يوم بيوم، وربه اللى عطيه
أسرار كتير فى الكون، خالقها رب الكون
كواكب فيه بتدور، أرض وإجرام ونجوم
جمال مرسوم فى بحور
وخير من قلب صخور
أسرار كتير فى الكون
من صنع رب الكون عطاء جواد كريم
عطوف رءوف، رحيم
جبار قهار حليم، ملك الأراضين
اعتقنا يا رحيم، اجعلنا مؤمنين
ادعو وقولوا آمين، يارب العالمين
صورة أرشيفية
