بالفيديو.. أهالى الجمالية لـ” السيسى ” فى عيد ميلاده :” ربنا يعينك .. وتحيا مصر “

هنأ أهالى الجمالية الرئيس عبد الفتاح السيسى بمناسبة عيد ميلاده ، الذى يوافق 19 نوفمبر من كل عام ، لما تحمله هذه المنطقة له من ذكريات ، حيث نشأ فى شوارعها بين أهاليها الطيبين .

كاميرا فيديو 7 قناة اليوم السابع المصورة ، رصدت تهانى أهالى الجمالية للرئيس فى عيد ميلاده الـ 60 ، حيث قال الحاج أحمد: “كل سنة وأنت طيب وربنا يعينك على البلد” وآخر:”رئيسنا وحبيبنا عبد الفتاح السيسى كل سنة وهو طيب ربنا يكثر من أمثاله نجدنا من الإخوان وقالت سيدة “نقول للرئيس كل سنة وحضرتك طيب وكل الشعب المصرى”.

وقال أحد كبار السن : “ده حبيبى وأبنى أنا اللى مربيه وربنا ينصره على أعدائه ,الرئيس نشلناه من وقت كنا هنروح فيه فى داهية “وقال آخر:”ربنا معاك لأن الحمل تقيل اوى بس ياريت الناس كلها يكون عندها ضمير لان لو الكل عنده ضمير البلد هتمشى والبلد لو كلها عبد الفتاح السيسى كانت البلد هتمشى “.

وقالت إحدى السيدات:”السيسى حبيبى ..أنا لو طايلة أبوس التراب اللى بيمشى عليه هبوسه واقوله متشكرة من قلب أم وأخت وجدة وخالة وعمه على اللى أنت عملته معانا وبإذن الله تعلى كمان وكمان وهتكبر بلدنا وهتبقى أحسن بلد وهتبقى فوق بلاد العالم كلها ..تحيا مصر”.