حلت الفنانة منة فضالي، ضيفة على الإعلامي رامي رضوان في برنامج " مساء دي إم سي " المذاع على قناة " دي إم سي".
قالت الفنانة منة فضالي:" الناس في الشارع بينادوني "نرجس" ومبسوطة إن الشخصية علمت مع الناس.. وكان أول مرة أعمل كوميدي.. اللي بيجي يسلم عليا بيقولي يا نرجس مش منة خالص".
وأضافت : "أول مرة أعمل كوميدي وطول الوقت بعمل دراما.. ومش بحب أتفرج على أي مشهد ليا بعد الانتهاء من تصويره مباشرة "، مضيفة :"أثناء تصوير مشاهد نرجس في جعفر العمدة كان محمد سامي بيضحك وبيقولي بتضحكي".
وتابعت : "لو هشتغل مشهد مع محمد سامي هعمله، وأنا واثقة فيه جدا وهو مخرج متميز وعنده أمانة وبيخاف على الممثل وبيحبه".
