حبيبى..
قلبى وشايْله ورا ضَهْرك
لومِشْ عايْزه جِوّا قلبك
إرميه..؟
ما إنْتّ سِنين
ورَمِيه فِ بُعْدَك..!
واللا خايْف تِعْتِرف
إنّه غَصْب عَنّك
وهوَّ بعيد عنّك خلاص
خلاص ياحبيبى
بَقْى حِتّة مِنّك..!
واللى إنْتّ مِشْ عارفه
إنّى وقلبى
زَىّ إنتّ وضلّك..!
مَاشْيّة واحدة
ويّاك ووراك
رُوحى فنار روحك..!
وكلّ فصول العام
أنا وحُبّك
لاعِرْفِت ربيع ولاخريف
ولا إتْوَلدِتْ خُضرة
إلا وأنا جَنْبَك..!
،،،،
إيه ذنبى
إنّى للدنيا جِيت قَبْلك..!
حبيبى..
ليه
ليه مِشْ عايْزنى
وأنا وقلبى
وقلبى وأنا
حِتّة مِنّك..!
