بشكر ربنا سبحانه وتعالى على نعمة النجاح.. بتلك الكلمات علق الفنان ياسر جلال على دوره فى تقديم شخصية الرئيس عبد الفتاح السيسى بمسلسل الاختيار 3 فى لقاء تليفزيونى، وقال: "الفضل الأول والأخير فى النجاح ده لربنا سبحانه وتعالى".
وأعرب ياسر جلال عن سعادته لتقديمه شخصية الرئيس السيسي فى الدراما المصرية، قائلا: "فخور جدا وبتشرف إنى أنا بقدم شخصية الرئيس على الشاشة وهو رجل أنا بحبه وبحترمه من زمان جدا وإحنا فى مرحلة التحضير للمسلسل، وبذاكر الشخصية وبشوف الإسكريبت والأحداث اللى حصلت وقد إيه الراجل ده قدم روحه على كفه عشان ينقذ البلد ازددت حبا واحتراما وتقديرا لسيادته".
وتابع ياسر جلال: "واحنا بنتفرج على اللى بيحصل فى بلدنا من الإنجازات وأول وأهم إنجاز هو الأمن والأمان اللى بيعيش فيه الشعب المصرى نحمد ربنا، ودى حاجة مهمة جدا عملها لبلدنا مع الإنجازات اللى احنا شايفينها بتتحقق وإن شاء الله يقود مصر لحتة تانية وندعيله بالتوفيق".
