كشف المطرب أحمد كامل عن مشواره الفنى، قائلا: "كنت بكتب أغانى وبدور على حاجات مختلفة فى الراب، ومكنش فيه وقتها يوتيوب وكنت بسجل تراك بصعوبة، ولكن دلوقتى كل حاجة بسهولة، وصديق ليا قالى جرب تغنى وجربت ومكنتش عارف إن الموضوع حصل معايا وحياتى اتغيرت خالص"، مضيفا: "آسف على التأخير على البرنامج بسبب أن الأسرة عندى تعبانه والحمد لله هما حاليا بخير".
وأضاف خلال حواره مع الإعلامى عمرو خليل عبر برنامجه من مصر المذاع على قناة سى بى سى: "مفيش حاجة صعبة، ومفيش حد صوته وحش، ولو سمعت أول اغنية ليا وآخر أغنية هتلاقى هناك اختلاف، وفيه حاجات كتيرة اتغيرت، وفي تطور كبير فى حياتى وصوتى، وأى حد مش بيعرفنى شخصيا بيقيمنى بالمجهود اللى قومت بيه".
وتابع: "جرب أول مرة أغنية ياليل وفضلت سنة محدش سمعها ولكن بعد سنة الناس تفاعلت معاها.. وحابب أجرب كل الأغانى شعبى مهرجانات وبدور على أيه الجديد ولازم بجربة، وبعمل ألبوم هينزل أقل من شهر كوكتيل متنوع شعبي وراب".
ويعد أحمد كامل من أكثر المطربين الشباب فى مجال المزيكا البديلة بمصر، وتحقيقًا لمشاهدات عالية لأعماله الغنائية، وعرف بلقب "ابن الليل" نظرًا لأغنيته الشهيرة "يا ليل" التى ظهرت العام الماضى وكسرت مشاهداتها حاجز الـ12 مليونا، وحقق انتشارًا واسعا مؤخرًا بأحدث أغنياته، كما قدم من قبل أحمد كامل أغنية "أنا رايح" وكانت الأغنية الرسمية لمسلسل شديد الخطوره للفنان أحمد العوضى والفنانة ريم مصطفي، والذى يحقق نجاحا منذ عرض حلقاته الأولي علي منصة .watch it
