"احنا عيلة كلها مسحراتية أبا عن جد.. وورثتها عن والدى وجدى وأعمامى كلهم طلعت لقيتهم بيصحوا الناس كل سنة في رمضان".. بهذه الكلمات روى لنا فتحى حكايته وعائلته في مهنة المسحراتي .
وقال فتحى إبراهيم، لـ"اليوم السابع": أنا طلعت من صغري في عيلة شغالة مسحراتية من وأنا كنت طفل.. كنت بمسك الطبلة وامشي مع أبويا في الشوارع نصحي الناس ونطبل علي الطبلة، عشان دى عاده جميلة اتعودنا عليها كل سنة.
وأكد فتحى: لما كبرت بقيت اطلع بالطبلة لوحدى وامشي في شوارع القرية، واتعلمت المهنة وبنزل كل يوم الساعة 1 صباحا بالطبلة، واصحى الناس وبكون فرحان لما بشوف الأطفال وهما فرحانين ويمشوا ورايا كل ليلة.. وانده علي اسم كل طفل منهم ودى اكتر حاجة بتسعدنى .
