حالة من الجدل، أثارها الفنان عمر كمال بعدما نشر صورة تجمعه بالدكتور مبروك عطية أستاذ الشريعة بجامعة الأزهر، فى برنامجه الجديد، المقرر عرضه فى رمضان المقبل، وعلق عليها قائلا، إنه سيظهر مع الداعية الإسلامى، فى حلقة كلها خير وكلام محترم، بحسب وصفه.
إلا أن تعليقات وصلته على الصورة أغضبته ودفعته للتعليق وكتب عمر كمال، عبر حسابه على فيس بوك: "أتصورت صورة وأتشرفت بده مع فضيلة الشيخ مبروك عطية فى لقاء هيتذاع معاه فى رمضان إن شاء الله وحلقة كلها خير وكلام محترم".
وتابع: "كلام الناس وتعليقاتهم حسستني أنه متصور مع كافر أو مرتد أو إنسان لامؤاخدة وهيدنس الشيخ وكومنتات إزاى ده يتصور مع ده مع أنى مش وحش للدرجة ديه زى".
واستكمل: "بالظبط ما خلونى أبطل أفكر أصلى فى المسجد أول ما أخش بحس إنى إنسان منبوذ والناس بتبصلى بصة غريبة لدرجة سمعت واحد بيقول للتانى اقف جمبه انت لأحسن ربنا ميتقبلشى منى صلاة، ومش بقول انى مقطع السجادة أنا زى أى إنسان بيقطع فى الصلاة وبيرجع بس ساعات ببقى حابب أدخل المسجد وفعلا بطلت ده من الناس"، ومثلما وردت الفنان تعليقات غاضبة، كانت هناك أخرى مساندة له.
