سافر بالشبشب وسيبك من الجينز.. اعرف نصائح عشاق السفر لرحلة سعيدة

الإثنين، 15 فبراير 2021 02:00 م
سافر بالشبشب وسيبك من الجينز.. اعرف نصائح عشاق السفر لرحلة سعيدة محبى السفر
كتبت: شرويت ماهر

مشاركة

اضف تعليقاً واقرأ تعليقات القراء

بالطبع لا يوجد ما هو أفضل من السفر وخاصة للأشخاص محبى المغامرات وزيارة الأماكن الجديدة، وعند التفكير فى رحلة أو التخطيط للسفر وخاصة لو كان خارج البلاد، عادة ما نحتاج إلى بعض النصائح التى تسهل علينا الأمور وتجعلنا نستمتع بأجازة ورحلة سعيدة، وقد تكون النصائح خاصة بأشياء بسيطة للغاية أو مرتبطة بأشياء قد لا نلتفت إليها عند السفر الى بلد أجنبى أو غريب عن عاداتنا وتقاليدنا، وللأسمتاع برحلة آمنة وخالية من المشاكل ولمساعدة محبى السفر على التركيز فقط على زيارة الأماكن الجديدة دون تضييع وقتك فى رحلتك للتركيز على مشكلات قد تواجهها وللأستفادة من رحلتك بشكل جيد، دشن رواد السوشيال ميديا هاشتاج بعنوان "تنصحنى بأيه" ينصحون من خلاله الراغبين فى السفر ببعض النصائح التى تساعدهم فى رحلتهم.

نصائح رواد السوشيال ميديا
نصائح رواد السوشيال ميديا

 

الكثير من الأشخاص قد يستغرقون وقتا كبيرا للتخطيط لرحلة جيدة يستمتعون بها، ولكن معظمهم قد يغفل التخطيط الفعلى للمشاكل المحتملة أثناء رحلتهم، وقد تنوعت نصائح رواد السوشيال ميديا عبر الهاشتاج ما بين الساخرة أو المحذرة من تناول طعام معين أو النصائح التى توجهك لكيفية التعامل فى الكثير من الأشياء التى قد تقابلها فى البلد الغريب.

وقد نصح سامح طلعت المسافرين للخارج قائلا :"وأنت بتعمل شوبينج أدخل على جوجل وأكتب الحاجة اللى هتشتريها يطلعلك سعرها قبل ما تشترى، وما ترميش الفواتير بتاعة الشوبينج علشان تسترد الضريبة فى المطار، وأى بلد تروحها وهتقعد فيها أكثر من 3 أيام تشترى خط موبايل وتيكت للمواصلات للمدة الى هتقعدها فى البلد".

نصائح السفر
نصائح السفر

 

وأضاف محمود الجوهرى فى هاشتاج "تنصحنى بأيه" :"أنصحك وأنت مسافر تكون خفيف فى لبسك ومتكتفش نفسك فى الجينز أو شوزات غير مريحة".

نصائح للسفر
نصائح للسفر

 

وقالت هبة خلف :"قبل ما تسافر إيطاليا خد معاك كيس ذرة للحمام من أى ماركت أو بخمسة جنيه من مصار عشان هتدفع كل اللى معاك للناس اللى واقفين يبيعوا أكل الحمام هناك، وبيدوك أربع وحدات بالعدد بيورو وطبعا ما بتلحقش تفتح أيدك هيكون الحمام أكلهم ومأخدتش الصورة أصلا".

نصائح السفر للخارج
نصائح السفر للخارج

 

ونصحت دينا ذكى المسافرين قائلة :"اقرأ كويس عن المواصلات فى كل بلد والتذاكر اللى توفر، وجرب تفاصل عادى فى أى مكان لو مش محلات كبيرة، وألبسوا جزمة مريحة".

هاشتاج تنصحنى بأيه
هاشتاج تنصحنى بأيه

 

وعن زيارة الهند قال طارق هشام :"اشترى تذكرة دخول تاج محل أون لاين، وماتستناش لما تروح، وعلشان تدخل بدرى قبل الزحمة وتتجنب تفتيش ساعتين على الأقل، وممنوع دخول الترايبود".

نصائح السفر للهند
نصائح السفر للهند

 

وشاركت رانيا فى الهاشتاج قائلة :"قبل ما تروح ديزنى أمريكا أشترى من مصر أى ملابس تنكرية لأى شخصية من بتوع ديزنى لأنها غالية جدا هناك وخامتها زفت وهى كام ساعة اللى هتلبسها فيهم".

تنصحنى بأيه
تنصحنى بأيه

وأضاف محمد زهران:"لما تسافر حاول تاخد معاك حد بيصور حلو".

الهاشتاج
الهاشتاج

 

 










مشاركة



الرجوع الى أعلى الصفحة