كشفت آخر تقارير الجهاز المركزى للتعبئة العامة والإحصاء، حول "واردات وصادرات جمهورية مصر العربية خلال 2016"، أن مصر استوردت صلصة ومايونيز وتوابل مخلوطة و"مرقة" بنحو 100 مليون و533 ألف جنيه، وذلك فى الفترة من يناير حتى أكتوبر من العام الماضى.
وجاءت تفاصيل ما تم استيراده من المنتجات المذكورة عاليا، وفقا للتقرير الذى حصل اليوم السابع على نسخة تفصيلية منه، كالتالى:
-تم استيراد صلصة الصويا بقيمة مليون و291 ألف و 249 جنيه.
-تم استيراد صلصة طماطم بندورة مسماه "كتشاب" بقيمة 4 ملايين و607 ألف و 357 جنيه.
-تم استيراد صلصات طماطم أخرى بقيمة 3 ملايين و709 ألف و457 جنيه.
-تم استيراد مايونيز بقيمة 3 ملايين و 726 ألف و315 جنيه.
-تم استيراد توابل مخلوطة بقيمة 69 مليون و 636 ألف و 505 جنيه.
-تم استيراد محضرات للصلصات أخرى بقيمة 17 مليون و 995 ألف و369 جنيه.
-تم استيراد حساء ومرق "دجاج وأسماك" ومحضرات إعدادهما بقيمة 567 ألف و 427 جنيه.
يذكر أن تقرير "الواردات والصادرات لجمهورية مصر العربية"، يعد من قبل جهاز الإحصاء ضمن نشرة التجارة الخارجية، التى يصدرها الجهاز.
عدد الردود 0
بواسطة:
زيزو
مش كتير، يعنى كل مواطن بجنيه فى السنه
غالبا هاتلاقيها خاصة بفنادق عالمية معينة او مطاعم عالمية بتجيب منتج خاص بيها، ومعظمها توابل، الصلصة والكاتشب 7 مليون فقط لأنها تنتج فى مصر
عدد الردود 0
بواسطة:
مصري
اى وزير استثمار ناجح او حكومة ناجحة الاتى فى التعليق
اى وزير استثمار ناجع يروح اصل المشاءة للمنتج اللى مصر بتستورده يعرض عليهم الاستثمار مقابل الارض ةالتخليص مجانا بداية او سنتين هنوفر عملة صعبة ويشغل ناس عندنا مافى تفكير عندنا
عدد الردود 0
بواسطة:
وليد
إزاي
إزاي الأولاد يعملوا كده ، إعدام جماعي ، في فكرة تانيه ،اقفلوا باب الإستيراد تماما وكده يبقي بعون الله لا تصدير ولا استيراد
عدد الردود 0
بواسطة:
yaser
بلاش
بلاش والنبي تزودوها اوي كده. مبلغ تافه للغاية لبلد تعداد سكانها 100 مليون. ياجماعة فكروا خارج الصندوق. ياجماعة الخير فكروا ازاي تجيبوا سائحين لمصر من كل الجنسيات علشان يصرفوا في مصر.
عدد الردود 0
بواسطة:
مهندس سليمان الفيوم
المنتج المحلى أفضل وأصل هذه المنتجات إنتاج مصرى
ستات البيوت الشاطرات ينتجن هذه الأطعمة بأرخص الأسعار فى مطابخ البيوت المصرية لكن عقدة المستورد مازالت موجودة ... المفروض الجهات الرقابية تاخد بالها .... يا ناس شجعو المنتج المصرى ... بس راقبوا الجودة ينوبكم ثواب
عدد الردود 0
بواسطة:
مواطن
هو دة الاستثمار بتاع مصرى
هو دة الاستثمار بتاع مصر اومال انتم فاكرين اية هو انتم اول مرة تعرفوا الحقيقة دي ؟؟التقرير كفيل بمحاكمة جميع وزراء مصر السابقين بتهمة تضليل الراي العامو انهم اول و اكبر اسباب التضخم و لكن الكوسة بقي اصل لدينا رؤساء وزراء جهابز و متمسكين بالكراسي اللي ورثوها من ابوهم و ما بيجبوش الا الحبايب بس كوزراء زي الصحة كدة كلة كلام اشتغالات و تضليل راي عام التصنيع يعني تعبءة و تغليف فقط و تحذير من اي انتاج مصري و البركة في الصين و تركيا بنفتح بيوتهم من جيوبنا و بنعمرهامن اجل عيون وزراء الصناعة الفاشلين تماما ولا لهم اي لازمة غير الموكب و الحرس الشخصي زي في التليفزيون كدة .. و بيزنس تحت الترابيزة .. تقرير يستوجب المحاكمة لكل وزراء مصر الحاليين طيب و تحدي خلي الجهاز يطلع تقرير المشروبات و السكر المستورد و تواريخهم حتعرفوا المستخبي في مافيا ازمة السكر التي خربت مصر و انا متاكد انة لن يري النور و سيتم تصفية و قتل من معهم هذا التقرير بالذات لانة سيكشف بلاوي متلتلة و شخصيات من الشعب التجارية وراء الازمة التي ما زالت حتي اليوم من شهور و دليل فشل شريف اسماعيل المتواطيء مع التجار الذين اجتمع معهم و فسادة في الحكم شخصيا هناك تقارير يا سادة قد تسبب موت من معهم اليوم .. فية حاجة اسمها الحاسب الالي بالموانيء المصرية يعني مصارين مصر كلها عندهم كل حاوية و مشتملاتها و مستوردها قصدي محتكرها .. الفساد في مصر ممكن يوصل لتريليون دولار سنويا بلا مبالغة زي قصة الترامادول امبارح ما رضاش يدفع المعلوم فتم القبض علي الشحنة
عدد الردود 0
بواسطة:
حمدى عباس ابراهيم
الحمد لله دى مصر مش احنا . احنا مصريين وبس وبأمر الحكومة !
الى الاخوة المحلقين : احنا كنا دولة زراعية كبرى وعلى يد محمد على صرنا زراعية صناعية وكبرى بدليل تحالف 4 دول كبرى على تدمير اسطوله وفرض شروطها المجحفة عليه .. ثم جاءنا جاءت ثورة 52 ثورة واعدة صاعدة بقيادة الدكتور محمد نجيب تواطأ عليه حملة البكالوريا بشحامة عب ناسر وقاد سونة 54 التى تحقق كل اعلامه فى الزعامة قضت على الاقطاع والفلاحة . والسياحة والملاحة . والزراعة والصناعة ..نحن اليوم نستورد أكثر من 90 % من طعامنا وأكثر من 99 % من مصنعاتنا ولما نستورد غذاء مواد خام ماشى وحاتبقى فى الأمان أما ان نستور مئات الأصناف الغذائية المصنعة وكل صنف منها نبرره ونقول ده جنيه لكل مواطن وهناك ملايين المواطنين ما يعرفوش الا 3 أصناف محلية شيوع : فول وطعمية وجوع . لا تنظروا الى تكلفة استيراد صنف بمفرده وانظر الى مجمل السياسة الاستيرادية التى ترقه كاهل الدولة بمئات المليارات سنويا لو أضفت اليها مئات المليارات تكلفة صحية فكل هذه الأصناف المستوردة نجهل تماما طريقة تصنيعها ومكوناتها ومختلطاتها وهم دائما يصدروا لنا أردأ الأصناف وهذا مع افتراض حسن النوايا فما بالكم وأغلب الشركات المصدرة صهيونية متقدمة فى علوم التهجين والهندسة الوراثية واستبدال المواد الطبيعية بأخرى صناعية أكثر لذاذة وشهوانية .. هذه الصنوف المستوردة موادها ومكوناتها الطبيعية متوفرة فى أراضينا بأرخص الأسعار . كيلو البطاطس من أجود الأصناف بيباع لشركات الشيبسى - على سبيل المثال - بأقل من جنيه معبأ بأكثر من 50 ج بعد تحميله بعديد من أمراض كبدية وسرطانية نتيجة المعاملات الحرارية وأرخص أنواع الزيوت التجارية التى يجرى تحمير شرائح البطاطس بها طيلة ساعات اليوم وربما اليوم التالى بعد تأينها .. فوقوا .. والله ما اقصدكم فلست أنتم المستوردين . الدولة هى التى تستورد وتتحكم فى كل الاذون والتراخيص متاجرة بمواطن رخيص ياكل ويهيص ويقول شبس لذيذ ..
عدد الردود 0
بواسطة:
أبو وهبه المصري
حرام حرام حرام
أكبر تحية وتقدير للجهاز المركزي للتعبئة العامة والإحصاء على بياناته الدقيقة التي يجب أن نستفيد منها من الآن فصاعدا فنحن عندنا شمس وهواء وماء على مدار السنة وعندنا طماطم على مدار السنة وإنتاج ما شاء الله يكفي عين الشمس وفائض يلقى على الطرقات الزراعية بل أحيانا يضطر الفلاح إلى حرث الأرض ببقايا الطماطم نظرا لأن تكلفة جمعها باهظه فيضطر لحرثها في الأرض ولا تنسوا جموع الشباب على المقاهي في إنتظار فرص العمل ولا تنسوا محلات الكشري المنتشرة في ربوع المحر وسة أى أن الخامة وكافة مدخلات الإنتاج متوفرة وناقص فقط الهمة والعزيمة منك يا شعب مصرلصناعة الصلصة والميونيز التي نستوردها بهذه المبالغ الطائلة تمنياتي وعشمى أن لا نستورد صلصة في العام القادم عشان عيب والله العظيم وأين أنت ياجهاز المشروعات الصغيرة والمتناهية الصغر وإيه تاني.
عدد الردود 0
بواسطة:
mohamed
التفاصيل
الناس تقريبا بتعلق على العنوان فقط وهو مضلل مبلغ 100 مليون جنيه لو بصينا على التفاصيل هنلاقى فيه منهم 67 مليون عبارة عن توابل مخلوطة واحنا اساسا مبنزرعش توابل فى مصر يعنىى طبيعى جدا اننا نستوردها وياريت ملاقيش واحد من بتوع الحنجورى طلع يقول وليه وبلاش ونستوردها ليه والله لو مش عاوز انت بلاش انت حر بس متفرضش عليا انى ما استعملش فلفل وحبهان فى اكلى اما باقى الاصناف ففعلا مشفتش منها مستورد فى السوق وغالبا بتبقى جاية لاماكن معينة
عدد الردود 0
بواسطة:
عايدة
احلي توابل تزرع في مصر
علي فكرة مصر بتزرع احلي توابل و اسالوا الشيفات صحيج مش كل التوابل بس اللي بيزع هنا ليس لة مثيل بس تصدير ... اسالوا علي الكمون المصري جامد .... وبعدين اللي بيحلل يقول كنا دولة زراعية من الدرجة الاولي المهم اصبحنا اية الان و لحد ما يصلح الحال نحن مضطرين نستورد معظم ستات البيوت مش ممكن تستغني عن التوابل و لا كمان هنتستغني عنها هي التانية و تصبح حياتنا ليس لها طعم و لا رائحة