لميس سلامة تشارك اليوم فى ثانى حلقات "مذيع العرب"

تشارك الإعلامية لميس سلامة، والتى عملت مراسلة لقناة المحور لمدة 8 سنوات والحياة 4 سنوات، فى الحلقة الثانية من برنامج "مذيع العرب، والمقرر له فى التاسعة والنصف مساءً على قناة الحياة المصرية وقناة أبو ظبى، وذلك فى نسختة الأولى على مستوى العالم.

ويسعى برنامج "مذيع العرب" لاكتشاف مواهب فى التقديم التلفزيونى، من خلال لجنة التحكيم بمشاركة الفنانة ليلى علوى، والإعلاميين طونى خليفة ومنى أبو حمزة.

وقالت المتسابقة لميس سلامة على صفحتها على مواقع التواصل الاجتماعى "فيس بوك": "أنا لميس سلامة من مصر.. وللدقة بنت الإسماعيلية؛ اللى كان بيتابعنى عارف أنى كنت مراسلة تليفزيونية مجنونة شوية.. مفيش شارع ولا حارة ولا محافظة ماشهدوش عليا..مفيش قهوة ماشربتش عليها شاى خمسينة بين الشغل..مفيش عربية فول مافطرتش عليها مع الكرو..مفيش محل كشرى ماضربتش فيه وحليت بالسكلانس..مفيش مظاهرة ماتضربتش فيها..الشارع كان بيتى الأول والناس اللى سجلت معاهم ووصلنا حواديتهم ومشاكلهم عمرى ماهانساهم..وأخيرًا وليس أخرًا كل الكروهات من فنيين ومصورين ومديرين إنتاج وسواقين كانوا أهلى وحامونى كتير ومن غيرهم ماكناش عملنا أجدعها تقارير.. قررت بعد 14 سنة شغل فى الشارع أحاول أسعى أنى أخد خطوة جديدة فى حياتى فكان "مذيع العرب" هو البداية وإن شاء الله يكون وش الخير عليا اللى من خلاله أخد فرصة جديدة يا رب ترجعنى تانى للناس برده فى الشارع بس كمذيعة..قولوووا أمين، دعاكم معايا ربنا يعمللى اللى فيه الخير ‫#‏مذيع_العرب".‬