قالت الفنانة لبلبة النهاردة الدنيا كلها بتحتفل بعيد ميلاد الزعيم عادل إمام عملت مع الزعيم مسلسلين مهمين، وتوجوا مشوار ى الفني مع عادل إمام هما صاحب السعادة ومأمون وشركاه وأنا بعتبر المسلسلين دول زى 10 أفلام عملتهم مع عادل إمام.
وأضافت خلال حلقة خاصة بـ الزعيم عادل إمام تذاع على قناة دى إم سى: أنا بهنى عادل إمام بعيد ميلاده في الأول وبقوله كل سنة وأنت طيب يا أحب إنسان لقلبى وعمرك يا عدولة ما هتشوف يوم وحش لأنك أهديت السعادة لملايين من جمهورك سنين طويلة في المسرح والتليفزيون والإذاعة والسينما اديت السعادة للدنيا كلها الدنيا دمها تقيل من غيرك.
وتابعت: عادل إمام وحشنا كلنا، كل كواليس معانا جميلة ولذيذة ومنظمة وبيقعد كتير مع السيناريو والمخرج ولما يبدأ بتبقى كل حاجة منظمة وبيدخل الأوضة ويسلم علينا وناكل مع بعض ونقعد مع بعض وعملت معاه أنجح أفلامى والمسلسليين اللى عملتهم كانوا ناجحين جدا وعملت معاه مسرحية لكن من حظى الوحش أنها لم تصور.
يحتفل الزعيم عادل إمام اليوم الجمعة 17 مايو بعيد ميلاده الـ84، فهو من مواليد 17 مايو عام 1940، وهو زعيم الفن الذى بدأ مسيرته عندما كان طالبًا والتحق بفرقة التليفزيون المسرحية عام 1962.
وجسد العديد من الأدوار التي تمس الشعب، وتناقش العديد من القضايا المهمة للمجتمع، فعند تجسيد دوره في فيلم "زهايمر" نقاش العديد من الجوانب كالمرض وتأثيره على المصاب، والتعامل مع جشع الأبناء، وفي فيلم "النمر والأنثى" ناقش تأثير المدمن على المحيطين به وعلى نفسه، وفي فيلم "خلي بالك من عقلك" ناقش دور التعامل مع المريض العقلي وذلك خلال تعامله مع الفنانة شيرهان التي كانت تعاني من مرض عقلي.
