استضاف برنامج "ع المسرح" الذى تقدمه الإعلامية منى عبد الوهاب، و المذاع على قناة "الحياة" الفنانة ياسمين رئيس، والتى قالت: "حياتى فيها حاجات عبيطة ومأسى، وكنت سعيدة فى طفولتى، ووالدتى الله يرحمها كانت تعاملنى كأنى صاحبتها، وكان نوعا من الندية بينى وبينها".
وأضافت ياسمين رئيس خلال الحلقة، انا قولت: "اللى هتصاحب ابنى هفجرها" علشان مش عاوزة حد يدايقه، وهو مش هيطلع ابن أمه لأنه مش ملكى، وشغلتى أحميه وأعلمه وأوجهه، لافتة أنا فلسطينية من يافا، وفكرت أزور فلسطين، ولكن مش من حقى، لأن أهلى خرجوا منذ 48 فى مذابح دير ياسين، وهم من المحرومين من حق العودة، وملفهم أكبر ملف فى الأمم المتحدة، وتصريحى اترفض 3 مرات لزيارة فلسطين".
تابعت ياسمين رئيس، "كنت جريئة وبعدما أصبحت أم وعندى بيت، وعيلة بقيت بخاف من التغيير فى المكان والروتين، وأنا طول الوقت بغير فى شعرى وشكلى وده أفادنى فى عملى، وبروح لدكتور نفسانى".
وقالت ياسمين رئيس، أنا كنت موديل وأصبحت ممثلة، وتوقفت فترة كبيرة وبعدها فاجأة وقفت قدام نفسى فى المرايا وقلت :"خلينا نجرب تانى بطريقة مختلفة"، وبعدما أصبحت أم تغيرت أكتر، لافتة إلى أن وفاة والدتها - فى فترة كورونا- حول حياتها وشخصيتها بشكل كبير".
وأضافت رئيس "بعد وفاة أمى حسيت أنى أنا الأم وبحضن إخواتى وكأنى أمهم، ومن وقتها مش قادرة أتغير وأكون عيله معاهم".
تابعت، " أنا ست وعادى أعيط وأضايق، وعاوزه الناس تحب بعض وتكون سعيدة، ومش فادرة على زعل أو حزن أو غضب، وعمرى ما لبست قناع النفاق، وسجلت اعتراضى لأى حد يرانى مواطن درجة تانية لمجرد انى امرأة".
أكدت ياسمين رئيس: "أنا مبسوطة إننا ست، ودى أحلى حاجة حصلتلى، وماخنتش حد ولو أديت حد كلمة باجى على نفسى، ولكن اللى خانونى كتير من صحاب بنات وعلاقات حب، وسامحت فى خيانة، وانا تربيت على إن البيوت أسرار"، مضيفة، "كل حاجة بتحصل لأى حد فينا مترتبة حتى لو هو اللى اختارها".
ولفتت رئيس: "هناك عدد من الناس كانت مبسوطة بمشاركتى فى كليب "حبيبتى افتحى شباكك انا جيت" مع المطرب حسن شاكوش وفى اللى اتضايق، وده لم يؤثر على عملى، وأنا عملت الكليب ده عشان انبسط لأن كان نفسى يكون صوتى حلو وأكون مطربة".
