داليا الخطيب عن عيد الحب: "الست عاوزة حب وحنية"

تحدثت الإعلامية داليا الخطيب عن عيد الحب، وقالت: "توجد حالة من الحب رهيبة فى الشوارع الأيام دى قبل عيد الحب اللى بيكون يوم 14 فبراير من كل عام وتجد كل الشوارع لونها أحمر"، مضيفة : "الشعب المصرى فى اليوم ده بينقسم لحزبين الأول للمغرمين اللى بيهادوا بعض بالدباديب والهدايا، والآخرين السناجل اللى هم البؤساء فى الفترة دى". 

وتابعت خلال تقديمها برنامج "ست البيت"، عبر راديو 9090: "فى اليوم ده تلاقى الخناقات على السوشيال ميديا بتكتر ما بين السناجل على عيد الحب"، مضيفة: "هنتكلم فى حلقتنا النهاردة عن عيد الحب وواجبات الراجل تجاه المرأة فى اليوم ده، وكما هنتكلم على إزاى نحافظ على الحب الحقيقى لو كان من الراجل أو من الست".

وأضافت: "فى الحلقة هناقش متطلبات الست لما تحب، واللى هى عايزة حب وحنية وعدم الخيانة وعدم جرحها بكلمة، وتقدر حبها ليك"، مؤكدة : "الستات أنواع لما تحب الأولى لما تحب بتبقى ست غيورة جدا، والأخرى لما تحب بتبقى ست نكدية قوى" 

"ست البيت" هو برنامج يناقش كل ما يخص المرأة ويناقش العديد من القضايا الاجتماعية والأسرية، حيث يقوم بطرح القضايا على المستمعين للمناقشة، ويتلقى العديد من وجهات النظر.