تساءل الإعلامي محمد مصطفي شردي عن لقاء سمير غطاس مع الإعلامي عمرو أديب، قائلا: "عمرو أديب عارف حجم الضغوط على الدولة المصرية.. ويطلع سمير غطاس وأنت لا ترد عليه.. ويقولك أصل المصريين الذين يعيشون في غزة عشان يغادروا غزة لازم تتبعت فين ويوافق عليها الأمن الإسرائيلى عشان يرجعوا بلدهم".
وأضاف خلال برنامج "الحياة اليوم" على قناة "الحياة": "طب أنا هرد على سمير غطاس هو مين يعرف حماس أكتر.. مصر التي كانت تواجههم وأنت كان مطلوب رقابتك منهم وأنا معاك.. مصر اللى هتعرف ولا هتبعت لإسرائيل تسألهم.. ما هو لو إسرائيل تعرف يا عمرو فأنت بتعترف أنت وسمير غطاس أن إسرائيل تعرف حماس فين، وكل اللى دخلوا دول مين يا دكتور سمير".
وأضاف :"من حقى أنى اختلف مع عمرو أديب وكنت بختلف معاك في برنامج القاهرة اليوم، أنت أجمد واحد فينا وأفضل برنامج.. ولكن ما ترسله من معلومات وما تسمح بإذاعته من معلومات في القناة اللى عندك يؤخذ ويتم تداوله وهذا عيب ولا يصح أن يطلع معاك سمير غطاس تاني وتقوله أيه رأيك في السوشيال ميديا والناس ونشوف الرد بتاعه ده وكله هجوم".
تم أضافة تعليقك سوف يظهر بعد المراجعة