فى نموذج للتضامن مع مصر فى ظل الأزمة الاقتصادية، أعلن الفنان ياسر جلال، عن تبرعه بمبلغ ثلاثة ملايين جنيه لصالح صندوق تحيا مصر، وقال الفنان ياسر جلال لـ"اليوم السابع: "المرّة دية بأعلن عن الجهة والمبلغ اللى اتبرعت بيه، لأنى باتمنى إن كلنا نشترك، ونعمل اللى نقدر عليه".
وأضاف: "بدعى زملائى النجوم أنهم يتبرعوا باللى يقدروا عليه.. عارف إن فيه منهم اللى عمل الموضوع دا قبل كده.. بس لو عملوا ده تانى يبقى شىء عظيم".
وعن الأسباب التى دفعته لهذا التبرع، قال: "يعلم ربنا إن السبب اللى خلانى أعمل كده هو الأزمة اللى بتمر بيها مصر دلوقتى.. أنا راجل لا غاوى شهرة ولا نجومية.. أنا باشتغل وبخلص شغلى وبأروح أقعد مع مراتى وأولادى"، وأوضح: "بأعمل ده لأن كلنا شايفين إن البلد بتمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدى لما كلنا نقف جنب بعض".
يذكر أن آخر أعمال ياسر جلال كان مسلسل الاختيار 3 فى رمضان الماضى، وحقق نجاحًا كبيرًا، وشاركه البطولة أحمد السقا، وكريم عبد العزيز، وعدد كبير من نجوم الفن.
تم أضافة تعليقك سوف يظهر بعد المراجعة