كواليس جديدة وأسرار فى مسيرة المطرب رامى جمال، كشفها خلال لقاء تليفزيونى فى برنامج "سهرانين" مع النجم أمير كرارة.
وعن بداياته الفنية وعلاقته بالغناء، قال رامى جمال: "كنت بغنى وأنا فى الحضانة وأول حاجة غنيتها أمام الجمهور رافضك يا زمانى، وفى بداياتى كان عندى مشكلة فى حرف السين".
وأعلن رامى أنه مدين بالفضل للنجم مصطفى قمر قائلا: "عرضت عليه أغنية فى بداياتى ولم يكن لى اسم فى الوسط الغنائى، وأعطانى أجرى كما لو كنت نجما، وقال مقولة لن أنساها: أنا بشترى أغنية مش بشترى اسم أشتغل معاه".
وعن كواليس تبنيه لـ أحمد سالم الشهير بـ"المطرب النقاش" واتهامه بركوب التريند، رد رامى: "أنا حبيت صوت أحمد جدا، والناس اتهمتنى إنى عايز أركب التريند رغم إنى شيرت الفيديو بتاعه قبل ما حد يشوفه، قلت لمراتى الصوت ده حرام لو ما عملتش ليه حاجة".
وعن خوفه من فشل التجربة قال: "فى البداية سألت أحمد لو ما نجحناش هتعرف تشتغل شغلانتك تانى؟ وكان رده هرجع أشتغل عادى جدا وعشمى فى ربنا إنه يكسر الدنيا".
تم أضافة تعليقك سوف يظهر بعد المراجعة