رصدت الإعلامية دينا عبد الكريم فى حلقة اليوم من برنامج "شغل عالى" الذى تقدمه على قناة "cbc"، أشهر 10 أكاذيب بيقولها جراحين التجميل، الكذبة الأولى تتمثل في التخصص الواضح كى تجرى عملية تجميل يمكن تتعامل مع اخصائى جلدية أو اخصائى تجميل أو للأسف تروح لناس واخدين شوية كورسات على حقن يعرف يعمل ليزر ويسمى نفسه أخصائى تجميل في الأخر جراح التجميل هو أخر شخص يلجأ له الناس بعد ما بيكونوا لفوا على أطباء كثيرة.
وأضافت دينا عبد الكريم: "الكذبة الثانية "شفط الدهون هو الحل"، لو شخص جسمه مليان ورايح لدكتور تجميل الحل عنده عملية لأنه ما بيهزرش، ومش جراح التجميل اللى هيقول لك العب رياضة، الوهم الثالث "بيوتى كلينك" الكلمة حلوة ومفيش جمال في العيادات والجمال جمال الروح.
وتابعت الإعلامية دينا عبد الكريم ،الكذبة الرابعة، العروض على السوشيال ميديا للتجميل وجراحات التجميل، والدعاية الطبية ممارسة غير سليمة، وفى مجال التجميل ماينفعشى نروح للارخص بل مين الأفضل، أما الكذبة الخامسة "الليزر وقدراته" طبعا التجميل بيحسن الأثر بيحتاج مرات كتير في المتابعة .
واستطردت الإعلامية دينا عبد الكريم، الكذبه السادسة، علاج البهاق من جلسة واحدة، هذا المرض من الامراض المناعية وبياخد فترة كبيرة في العلاج وحتى حقن الجلد بياخد وقت كبير ومفيش حاجة من مرة واحدة ، والكذبة السابعة "مش هتعمل حاجة تانى"، ما فيش حاجة في عالم التجميل بتخلص من مرة واحدة ولا سريعة أوى .
واستكملت الإعلامية دينا عبد الكريم، الكذبة الثامنة "الجرح مش هيسيب أثر" للأسف كل حاجة بتسيب اثر وشطارة دكتور التجميل أنه بيقلل هذا الأثر، والكذبة التاسعة تتمثل في "محتاج عملية" والفكرة دى نسبية جدا وتحديدا في جراحات التجميل لأن أصلا الجمال نسبى وفى الغالب ترجع لضمير الدكتور، والكذبة العاشرة "عمليات التجميل للمرفهين " فيقال أن عمليات التجميل دى للرفاهية وبتاعت المرفهين والحقيقة أن دكاترة علم النفس اكتشفوها أن لو عندك أزمة معينة في الوجه وتقدر تعالجها بالتجميل نفذه لأن الأمور التي تحسن نفسيتك مهمه جدا .
تم أضافة تعليقك سوف يظهر بعد المراجعة