تنظيف المنازل من الأمور الشاقة التي تواجه كل السيدات على حد سواء فالحفاظ على نظافة البيت وصحة أسرتنا من الضروريات، وهناك من السيدات التي تجتهد في البحث عن طرق سريعة لتنظيف المنزل لتوفير الوقت والجهد لأمور أخرى وتظل تبحث في كافة وسائل التواصل الاجتماعى عن طرق سهلة وسريعة لتنظيف المنزل بطريقة لائقة .
لذا نقدم لكل السيدات نصائح هامة لمساعدتهم على تنظيف المنزل بشكل أسرع دون بذل مجهود وعناء كبير بدلا من أن تقضي اليوم بأكمله في هذه العملية التي ترهق الكثير من السيدات في حلقة جديدة من برنامج "فتحى شو"، تقديم محمد فتحى عبد الغفار، مع خبيرة المنظفات سامية الجمل.
وتقول سامية الجمل: "بدأت مسيرتى المهنية بشنطة وكنت بسرح بيها في الشارع وفى النادى وكنت بشيل انبوبة الرش على ضهرى وذاع صيتى بين المحلات المجاورة للنادى اللى كنت بوزع فيه منتجاتى وكنت برش المحلات ديه كلها وكان أصحاب المحلات بيحبوا منتجاتى وشغلى لأن الزبون بيحب اللى بيراعى ضميره في العمل".
وتابعت: "تعرضت لمضايقات كتيرة جدا خاصة جوه النادى من العضوات واتقالى بالنص كده من إحدى العضوات جملة هش من هنا لما دخلت عليها أعرض منتجاتى، الجملة ديه كانت كفيلة أنها تغير حياتى كلها للأسوأ، ولكن حصل العكس تحولت للأحسن طبعا لأنى تحديت نفسى وتحديت الكل علشان أقف وأبقى حاجة كبيرة جدا وصاحبة شركة وده اللى حصل بالفعل".
واستكملت: "جوزى هو ضهرى وسندى في الحياة ووقف معايا من الصفر وهو أيقونة وسر نجاحى، دعمنى وادانى المال اللى بدأت بيه مشروعى وكانت توجيهاته هي سر من أسرار نجاحى بجد الزوج الداعم لزوجته من أكبر نعم الحياة اللى ممكن أى ست تشوفها، أنا باخد منتجاتى من شركة عالمية وبسوقها بطريقتى".
تم أضافة تعليقك سوف يظهر بعد المراجعة