بث راديو 9090 أغنية "متطمنين" من إنتاج "اليوم السابع"، لأبطال القوات المسلحة والشرطة المصرية تقديراً لدورهم العظيم فى حماية الوطن وإحياءً لسيرة شهدائنا الأبطال.
أغنية "متطمين" كلمات وألحان وائل السمرى رئيس التحرير التنفيذى لليوم السابع، وغناء سهيلة بهجت نجمة برنامج "ذا فويس كيدز"، ويضم فريق عمل الأغنية الموزع أنور عمرو، هندسة صوتية مودى منير، صولو ناى محمد جمال، إدارة أعمال طارق زكريا، منتج صوتى أسامة جميل، تصوير أحمد معروف، جرافيك طارق عبدالعزيز، مونتاج هاجر السبيرى، dop محمد نبيل، وإخراج شادى أبو الحسن.
ومن كلمات الأغنية..
متطمنين علشان ولادنا في كل شبر
في أرض مصر منورين
حالفين يمين ليدافعوا دايما عنها
وبدل اليمين مليون يمين
مطمنين
علشان وطنا بيقوي
في الشدة وأبدا لا يلين
كام مرة حاولوا يكعبلونا
ويهزمونا ورجعوا دايما مهزومين
تعظيم سلام
يا شهيد مرفرف في السحاب
تعظيم سلام
في الجنة يا زين الشباب
متخافش أخواتك رجال
مبيعرفوش كلمة محال
زيك أشد من الجبال
وعلشان كده مطمنين
يا اللي انت سهران كل ليلية
زي صقر بيحمي بلده من الغيوم
مارد علي الأعداء ورأسك
في السما دايما وأعلي من النجوم
متطمنين وثقتنا في المولى
وفيك طول الزمان ملهاش حدود
علشان أصيل واللي يفكر
يعتدي علينا تشيله من الوجود
تعظيم سلام
يا شهيد مرفرف في السحاب
تعظيم سلام
في الجنة يا زين الشباب
متخافش أخواتك رجال
مبيعرفوش كلمة محال
زيك أشد من الجبال
وعلشان كده مطمنين
