"لعبة الحبار" و"التاج "و"أنت" وغيرها من الأعمال الدرامية الأجنبية التى حققت نجاحًا جماهيريًا كبير على مستوى العديد من الدول، وانتشرت لقطاتها على مواقع التواصل الاجتماعى، وأثارت إعجاب "نورا سامح" ففكرت فيها بطريقة مختلفة حيث مزجت بين حبها للجرافيك وحبها للأعمال الدرامية والأفلام وصممت أفيشات بطابع مصري سبعيناتي لهذه الأعمال الفنية.
"نورا "صممت أفيشات قديمة
تحدثت نورا سامح البالغة من العمر 27 عامًا، وخريجة كلية التجارة، قسم إدارة أعمال، وحاصلة على دبلومة جرافيك، عن فكرة تصميم أفيشات لمسلسلات أجنبية شهيرة، لـ" اليوم السابع"، حيث قالت:" أنا بحب السينما جداً في العموم وخاصة الأفلام العربي القديمة وشكل الأفيشات، عشان كده فكرت فى تصميم أفيشات للمسلسلات الجديدة الأجنبية بطابع المصرى القديم ".
وعن سر اختيارها لمسلسلات معينة مثل "لعبة الحبار" و"التاج" وغيرها، قالت :"اخترت المسلسلات دي بالذات عشان اتفرجت عليها وعجبتني جداً، ولأنى كمان مش بحب أصمم حاجة مشوفتهاش ".
تحدثت نورا عن مراحل تصميم الأفيشات، حيث قالت :"أنا بعمل سكيتش مبدئي علي ورق وأحط الأفكار وبعدين بنفذ علي البرامج، وأخترت أصمم الأفيشات على غرار فترة السبعينات، لأنها لفتت نظرى للرسومات اليدوية و الألوان والإمكانيات البسيطة جداً اللى كانت بتستخدم فى الوقت ده، و صممت حوالي 18 أفيش لأفلام ومسلسلات مختلفة لحد دلوقتي".
وعن الصعوبات التى واجهتها خلال تصميم الأفيشات، قالت نورا :"مقدرش أقول صعوبات، عشان الحمدلله الدنيا كانت ماشية تمام، لكن يمكن احتجت حوالي سنتين بدرب نفسي على الشغل ده لحد مابدأت والحمدلله بجد ردود الأفعال على الأفيشات كانت عظيمة ومتوقعتهاش".
تحلم نورا بتحقيق العديد من الأمنيات فى حياتها المهنية، والتى تحدثت عنها قائلة:"نفسي أفضل فى طريقى الصحيح، ده كفاية يعني مش هطمع و أفضل أتعلم وأحافظ علي مستوايا و أكون مبسوطة وراضية بأى حاجة بعملها".
التاج
تصميم أخر لنورا سامح
المكتب
الكثبان الرملية
تصميم نورا
تصميم نورا سامح
تصميم أخر
تصميم أخر لنورا
صورة أخرى
فيلم لاتنظر لأعلى
مسلسل إيميلى فى باريس
مناورة الملكة
تم أضافة تعليقك سوف يظهر بعد المراجعة