"أنا تخرجت من كلية التجارة وبشتغل فى تصليح الموبايلات عشان بحب المجال ده والشغل مش عيب وتعلمت المهنة وتدربت فترة طويلة لغاية ما بقيت أقدر أصلح أنواع كثيرة من الموبايلات والشاشات وقمت بتصنيع جهاز من خلاله بعمل أى شاشة" بهذه الكلمات بدأ رضا خريج الجامعة يروى لنا تفاصيل حكايته مع مهنة تصليح الموبايلات.
وقال رضا علام لـ"اليوم السابع" الدراسة حاجة والشغل حاجة تانية انا متخرج من كلية تجارة قسم إدارة أعمال لكن مشتغلتش فى مجال دراستى واتجهت لمجال اخر وهو صيانة الموبايلات واتقنت مهنتى وطورت مهاراتى فيها بالحصول على دورات تدريبية فى الصيانة.
واستكمل رضا كلامه قائلا" والدى فى البداية كان نفسه اشتغل بشهادتى الجامعية لكنه مع الوقت اقتنع بمجالى الجديد وشجعنى كثيرا خاصةً عندما وجدنى مهتم بشغلى وبنصح الشباب اللى اتخرجوا من الجامعة يشتغلوا الشغل اللى بيحبوه حتى لو مش فى مجال تحصصهم الدراسى ومع الاجتهاد والمثابرة هيحققوا نجاح وتفوق فى شغلهم واى مهنة شريفة احسن من الجلوس دون عمل.
تم أضافة تعليقك سوف يظهر بعد المراجعة