يحرص الشاب عند تجهيز شقة الزوجية على شراء كافة المعدات "السباكة" الجيدة مع اختيار عامل يتميز بالحرفية، لتجنب حدوث أى خطأ فى"السباكة"، يؤدى فى النهاية إلى مشاكل عديدة، وحتى لا يحدث ذلك يجب أن تكون على علم ببعض الأمور الخاصة بـ" السباكة"، والتى أشار إليها مهندس الديكور، سيد وائل، ونتعرف عليها فى هذا التقرير.
حاجات لازم تعرفها قبل ما تعمل السباكة
قال مهندس الديكور لـ"اليوم السابع":" فى البداية لازم العريس يعرف يعنى إيه " الشرب"، وهو ببساطة مسافة 1 م فوق البورسلين أو سيراميك الشقة، وفائدته إنك بتحدد منسوب " مسافة "، كل حاجه من مستوي أرضيتك النهائية ...مثال مثلا علب الكهربا السفلية لازم كلها تكون على نفس المستوى من أرضيتك بعد ما تخلص".
وأضاف :"لازم تعرف إزاى تظبط كل علب الكهرباء على مستوى واحد عن طريق الشرب، المفروض إن تشطيب أرضية المدخل قدام باب الشقة يكون على نفس مستوي الأرضية داخل الشقة، وبالتالي لازم نقيس مسافة 1 م من الأرضية أمام باب الشقة وتعمل علامة، والسباك ينقلها داخل الشقة".
تشطيب السباكة
تحديد الأماكن
بعد تحديد الشرب تأتى مرحلة تحديد أماكن كل العناصر المرتبطة بالسباكة فقال مهندس الديكور :" السباك بيدخل الشقة بيعرف منك هتحط المرحاض فين؟ والحوض فين؟ وهل هتعمل شاور ولا بانيو؟ ، وكذلك أماكن التكييفات، لأنه له صرف داخلي فى الشقة، وبالتالى هيطلب شوية طلبات وخامات التغذية، والشركة لما تيجى تكبس المواسير بتصرف شهادة بالتغذية والصرف لمالك الشقة".
وتابع :"لازم تحدد إذا كنت هتركب حوض بركبة أو حوض بعامود أو حوض ساقط رخامة، وهتركب سيفون اللي بيتدفن جوا الحيطة ولا سيفون عادي ؟، ثم يبدأ السباك يكسر ويعمل مسار لمواسير التغذية ويركب المواسير ويخلص الشبكة كاملة بتاعت التغذية وبعد كده ينضف الأرضية كويس جداً من بواقي التكسير".
سباكة الشقة
العزل قبل الصرف
تابع مهندس الديكور :"قبل ما نعمل شبكة الصرف، لازم نعمل العزل، وأوعي تصدق السباك اللى هيقولك العزل بيتعمل فوق المواسير، أو إنه مالوش لازمة، لأن العزل بيمنع من تسرب الماء على الجار، وفيه أنواع من العزل، لكن أشهرهم وأفضلهم العزل الأسمنتي، وعند استلام العزل، لازم يملأ السباك الأرضية بالماء وتانى يوم تلقى نظرة على حوائط الشقة الجار، لو لاحظت نشع يبقى لازم تعيد العزل".
أعمال السباكة
تركيب شبكة الصرف
بعد العزل تأتى مرحلة تركيب شبكة الصرف والتى تشمل مواسير صرف التكييفات، وأشار مهندس الديكور إلى ضرورة الاتصال بالشركة المصنعة لمواسير التغذية، لإجراء اختبار على المواسير، وإلقاء نظرة على لحامات المواسير، وأخذ شهادة ضمان من الشركة.
وعن الخطوة التالية قال مهندس الديكور :" لازم تعيد وتتأكد من المقاسات اللي مديها للسباك زي مكان الحوض، ويبدأ السباك بعد كده " يحبش " على مواسير الصرف بمونة عشان يحميها أن حد يدوس عليها لأنها بتكون مظبوطة بميل معين، وبعد كدة بنعمل حاجه اسمها "لياسة" ودي عبارة عن مونة بنفردها على الأرض، لحماية العزل".
بلاعة المطبخ
وبعد الانتهاء من أعمال "السباكة" وعمل صرف للتكييفات، إذا لاحظت أن مستوى المواسير عالى أو طلبت عمل "بلاعة" فى المطبخ بدون مكان مخصص فى الخرسانات فى هذه الحالة يجب فصل المطبخ عن الشقة إما بتعلية باقي الشقة أو الفصل برخامة".
السباكة والتكييف
أشار مهندس الديكور إلى بعض الملحوظات المرتبطة بالتكييف، حيث قال :"مستوي مخرج صرف التكييف في الحائط لازم يكون خلف وحدة التكييف ناحية شمال التكييف، والأهم لازم تعمل حساب سقوط "الجيبسم بورد" إن وجد، و التكييف يحتاج تقريبا من 35-40 سم تحت سقف الجيبسم بورد.
وأضاف :" لو هتعمل تكييف "كونسيلد" فوق "الجيبسم بورد"، لازم تخلي السباك يطلع صرف التكييف فوق مستوي "الجيبسم بورد "عشان يكون متداري".
تم أضافة تعليقك سوف يظهر بعد المراجعة