علقت الإعلامية لميس الحديدي على الانتقادات التي وجهها الرئيس عبد الفتاح السيسي اليوم، لبعض قيادات شركات القطاع العام، قائلة: "الحقيقة مكنش حد يتوقع أن يقول الرئيس عبد الفتاح السيسي هذا الكلام على القطاع العام، والرئيس السيسي يفتح كل الدفاتر، وقال كلام يوجع.. وكلامه واضح وصريح، وهناك الكثير من الشركات بتخسر، والناس بتسأل عن الأرباح".
وأضافت خلال برنامجها "كلمة أخيرة"، المذاع على شاشة "ON": لما تكون فيه شركة بتخسر وتاخد أرباح فأنت بتاخد الفلوس دي من جيبي أنا، ومن الواضح أنه هيكون فيه مواجهة واضحة مع قطاع الأعمال، ولكن لن يكون على حساب العمال".
وطالبت الإعلامية لميس الحديدي الدكتور مصطفى مدبولي رئيس الوزراء بضرورة عقد لقاء مع القطاع الخاص للنظر في مشاكله، قائلة: "رئيس الوزراء لازم يعمل قعدة مع القطاع الخاص ويعرف مشاكلهم، ونبقى بنضحك على بعض لو قولنا القطاع الخاص معندوش مشاكل هيكلية.. وأظن هناك دراسة تعدها جامعة القاهرة لحل هذه المشكلة".
وكان الرئيس عبد الفتاح السيسي، قد تحدث اليوم عن إدارة القطاع العام قائلا: "بقولكم وكل زمايلنا اللى في شركات قطاع الاعمال ممكن يختلفوا معانا، يقولك لأ إحنا بندير كويس أرد عليك وأقولك بامارة إيه؟، بأمارة مجالس الإدارة اللى فلوسها بالكوم، على الهواء بتتكلم كده؟، أه طبعا ..لا بخاف ولا بيهمني إلا البلد بس، لكن مبخفش من حد خالص، العمر بتاع ربنا والمكان بتاع ربنا وقت ما يقولى يلاه عظم وامشى".
وأضاف الرئيس السيسي خلال افتتاح مصنع كيما بأسوان ضمن فعاليات أسبوع الصعيد: إدارة القطاع العام والحكومة ليست ذات كفاءة ولا تحقق النجاح المطلوب، ممكن تحقق نجاح لكن النجاح ده في مصر وظروفك الاقتصادية مش عاوز نجاح عاوز تفوق وقفز.. مينفعش تقولى حققت 5 او 10 % ولا يمكن يحصل الى بالحكومة في كل نقطة كهربا وميه".
تم أضافة تعليقك سوف يظهر بعد المراجعة