" أنا نفسى أعمل عملية بس وروحت للدكاترة قالولى إن نسبة نجاح العملية 90% وهتقف على رجلك وهتمشى، وأنا بشتغل 8 ساعات فى الكشك مع ابن خالتى"، بهذه الكلمات بدأ إيهاب حديثه لـ"اليوم السابع"، والذى يبلغ من العمر 24 عاما أصيب بحمى وهو فى عمر الخمس سنوات أدت إلى عجز اطرافه.
يقول إيهاب سامى لـ"اليوم السابع"، تعرضت لحمى أدت إلى ارتفاع فى درجة حرارة جسمى وأنا فى عمر 5 سنوات وأتضح أنه مرض نادر أدى إلى عجز فى يدى وقدمى وكما أدت إلى اعوجاج العمود الفقرى.
وأضاف إيهاب: "أصابع يدى لا تتحرك ورجلى ركبت فيها شريحة ومسامير وعصب العين متأثر نتيجة هذا الفيروس النادر، ولكن رغم كل الأعراض دى لم استسلم واتممت دراستى وحصلت على دبلوم تجارة ".
وأشار: اشتغلت فى الكشك مع ابن خالتى وهو اللى بيساعدنى فى حياتى اليومية ودائما معى، وهو اللى بيلبسنى وبيجلى البيت وبينقلنى بالموتسيكل الخاص به إلى مكان العمل وهو كشك بقف فيه 8 ساعات ".
واختتم إيهاب حديثه قائلًا:" الناس كلها بتحبنى وبتتعامل معايا عادى وانا بعيش حياتى اليومية زى أى حد طبيعى وبشتغل وناسى التعب، بس ضهرى بيسبب لى ألام كبيرة ونفسى اتعالج وأعمل عملية العمود الفقرى والدكاترة قالولى انها هتنجح بنسبة 90 % وهقدر أمشى على رجلى تانى ".
تم أضافة تعليقك سوف يظهر بعد المراجعة