قالت هنا جودة، لاعبة الأهلى والمنتخب الوطنى لتنس الطاولة، إن بطولة العالم تضم كل اللاعبين المميزين، وقد أدت بشكل جيد فى البطولة، وحصد الميدالية الذهبية ببطولة العالم تحت 15 سنة.
وتابعت فى مداخلة متلفزة مع الإعلامية لميس الحديدى، ببرنامج "كلمة أخيرة" الذى يذاع عبر قناة ON: "أول مرة نتعامل كتمرين ونلعب زوجى أنا ولاعبة من بلد تانية مع بعض ورغم إنها مش بتتكلم عربى خالص، لكن قدرنا نتواصل من خلال لغة الإشارة مع بعض، والبطولة كانت حلوة جدا وممتعة".
وأكملت: "بدأت لعب تنس الطاولة وأنا عندى 4 سنوات مع النادى الأهلى، وبعد ذلك بدأت أسافر بره وخسرت كتير فى بطولات السويد لحد ما حققت بطولات هناك، وعيلتى بتدعمنى جدا فى البطولات اللى بدخل فيها، ولكن بينصحونى أن يكون فيه توازن بين دراستى ولعبى”.
وأردفت: "المذاكرة مع اللعب صعب جدا، ولكن بحب أكون متفوقة فى تعليمى، وقبل بطولة العالم بأسبوع كنت بأذاكر وأتمرن، ونفسى أشوف محمد صلاح، علشان كده عملت تحدى معاه بمباراة تنس".
تم أضافة تعليقك سوف يظهر بعد المراجعة