كورونا وضربت الكون
صابت العالم والجاهل والمجنون
اتسرعتوا وقولتوا أصلهم مش ملتزمون
لا وفبركتوا أغانى لناس بتعتذر فيها للمسلمون
والعرب أجمعون
وهمتونا حقيقى الله منكم يكون ف العون
أصلهم دول غيلان
أصلهم أكلى لحوم حيوان
طب أهى كورونا وصلت عندك يا عم أنت كمان
لا فرقت بين سليم ولا عيان
ولا سابت أمير ولا غلبان
فينك دلوقتى يا فتاى يا فتان
فينكم يا علما يا مفكيرون
تعالوا فهمونا ايه اللى بيحصل فالكون
محبوسين وآه خايفين ومش فهمين
ليه الأموال ليه النفوذ عجزوا الأن
ليه بيوت اتقفلت وبيوت اتفتحت مكنتش ف الحسبان
ليه شبعان بقى جعان
ليه جعان بقى شبعان
ليه الكعبة قفلت وبيت المقدس
ليه الجامع والكنيسة كمان
ديه حاجه ابداً مشفناش مسمعناش عنها فى اى زمان
الإنسان صِغر أوى والضعف عليه بان
حكمتك يا رب الكون
حكمتك إحنا ضعاف أووى وإليك محتاجون
