أكد الفنان عمر كمال ردًا على تصريحات الموسيقار هاني مهنا حول حضوره وحسن شاكوش وحمو بيكا حفل زفاف ابنته هنادي على الفنان أحمد خالد صالح، أنه رفض الاتصال بالفنانة هنادي مهنا للخروج وتوضيح الأمور والتأكيد على دعوتها لهم لحضور حفل زفافها قائلاً: "دى عروسة في شهر العسل، أنا مش عايز ادخل في السكة دى خالص".
وأكد عمر كمال في تصريحات لتليفزيون اليوم السابع، أن بيان نقابة المهن الموسيقية جاء بسبب حضور حمو بيكا لحفل الزفاف لوجود مشكلة بين النقابة وبيكا، لكن التصريح الصادر من الموسيقار هاني مهنا بيقول أنا معزمتهتش ومعرفهمش التصريح فيه شوية عنصرية أو طبيقة مش ظريفه.
وأكد عمر كمال أنه لو قام أي شخص بدعوته لحضور حفل زفاف سيقوم بالحضور وتابع قائلا "إحنا ولاد ناس مش بلطجية وواثقين في نفسنا ونشرف أي حد، وبنحضر أفراح ناس كتير جدًا ومهمين.
ووجه عمر كمال رسالة للموسيقار هاني مهنا قائلا:" أستاذ هاني إحنا بنحبك جدًا، وأنا من صغرى اتربيت على عزفك وحضرتك جبر الخواطر أهم من أي حاجة في الدنيا، وكان ممكن قبل ما تطلع تقول التصريح ده كنت ترفع سماعة التليفون وتكلم بنت حضرتك وتقولها إيه اللى حصل وهتقولك، وبعدين تطلع تقول هما حضورا بدعوة من بنتى وهيا لها حرية، ولو حضرتك إحنا مش عاجبينك تروح تلوم على بنتك انها بتسمعنا، وإحنا نشرف أي حد زى ما الفنان تامر حسنى وحكيم وأى فنان حد حضر الفرح كلهم اخواتنا وبنتعلم منها، وأحنا بنشرف أي حد واحنا حضر أو محضرناش كانوا مشغلين الأغاني بتاعتنا.
