استنكر الإعلامى عمرو أديب، الانتقادات والهجوم الذى تتعرض له مصر مؤخرًا، قائلًا : "اذكروا لى اسم دولة فى الكرة الأرضية كلها يتم استهدافها بأكثر من 20 قناة يوميًا غير مصر".
وقال أديب، خلال برنامجه "الحكاية"، : "إيه المطلوب؟.. عاوزين إيه.. دا انتوا لو عملتوا ربع ده فى إسرائيل كانت الأرض رجعت من زمان.. ولو مش عاوزين انتخابات واستفتاء من امتى الأقلية هى التى تقرر".
وحذر من عواقب المظاهرات، قائلًا :"لأول مرة أسعار الدولار ترتفع تانى.. لمصلحة من ذلك؟.. البلد الى وقفت على رجليها وشمت نفسها لازم نسندها ولو فيه حاجة معينة ممكن نقعد ونتكلم ونصلحها، والطلبات كلها معروفة ومفهومة، وهناك الكثير من الإصلاحات.. والإدارة تسير فى طريق التنمية".
وتابع فى رسالته للمواطنين: "لو بكرة اتهدت دخلك هيتحسن امتى.. المرة اللى فاتت خدت 6 سنين، دلوقتى البلد تتهد ونجيب حد يقسم معانا الغاز، وهتتطربق علينا فى السياحة وغيرها، وعلى الجيش والحدود تتفتح تانى ويجيوا يركبوا البلد".
وأكد الإعلامى عمرو أديب، أن رجالنا على الأرض فى كل المواقع، وفى سيناء والحدود الغربية والشرقية والبحرية.
تم أضافة تعليقك سوف يظهر بعد المراجعة