"الشغلانة مبقتش جايبة همها ومش مقضية حتى تمن الشاى والدخان، مفيش شغل زى زمان والورش اللى كنت شغال فيها قفلت وباقى الورش مش بيشغلوا حد عندهم غير الصناعية بتوعهم، أعمل إيه عشان أكفى نفسى بالعافية، ولسه متجوزتش، مكنش قدامى غير إنى أخش دايرة المخدرات، وأتاجر فيها عشان فلوسها كتير وسهلة، بس لسعتها والقبر، وأنا اتعلمت خلاص وهرجع أشتغل فى صنعتى أو حتى اشتغل كناس، المهم إنى مش هعمل كدة تانى"، هذه كانت كلمات "إبراهيم.ل" 31 سنة منجد، أمام النيابة العامة، بعد اتهامه بالتورط فى جلب وتوزيع المواد المخدرة فى الزاوية الحمراء.
وكشف المتهم، خلال تحقيقات النيابة العامة، أنه اتخذ من دائرة قسم الزاوية الحمراء مكانا له لترويج تجارته غير المشروعة، مضيفا أنه اتخذ من تجارة المخدرات عملا له لتوفير متطلباته المعيشية، بالإضافة إلى توفير نفقات متطلباته للمواد المخدرة.
وأوضح أن السبب فى مجال تجارة المخدرات، هو رغبته فى الثراء السريع، بالإضافة إلى إدمانه مخدر "الأقراص المخدرة".
بدأت القضية بنجاح رجال الإدارة العامة لمكافحة المواد المخدرة، بالقاهرة فى القبض على "إبراهيم.ل" 31 سنة عامل منجد، مقيم فى منطقة الزاوية الحمراء، وبحوزته 600 جرام من مخدر الحشيش، و50 قرص مخدر ترامادول، قبل توزيعها على عدد من عملائه فى المنطقة، وأكدت المعلومات سابقة اتهامه فى قضايا حيازة واتجار بالمواد المخدرة، فتم تحرير المحضر اللازم بالواقعة، وتولت النيابة العامة التحقيق.
