بعيدا عن الرياضة، أشاد أحمد حسام ميدو لاعب المنتخب المصرى السابق، بشبكة الطرق التى تنفيذها الدولة المصرية، مؤكدا أنها تساهم فى عملية التعمير بالإضافة إلى أنها تزيد من مساحة المدن عن طريق مدن جديدة متصلة بها.
وأضاف "ميدو": "تطوير شبكة الطرق في مصر معناه التعمير وتوسيع مساحة المدن عن طريق مدن جديدة متصلة بها!! من ناحية العين السخنه والجلالة بعد 5 سنين خلاص كله هيبقى رابط ببعض مع القاهرة الجديدة والسبب الدائري الإقليمي وطريق الجلالة ومن ناحية 6 أكتوبر خلاص هيربط بالصحراوي والسبب محور روض الفرج الجديد!".
وتابع "ميدو" قائلا: "طريق الضبعة الجديد خلاص بيربطك بامتداد الساحل وفوكا في ساعتين ونص تبقى هناك!!الغريب ان في ناس بتقول لازمتها ايه كل الطرق دي!! احنا عددنا بيزيد بسرعة رهيبة وشبكة الطرق الجديدة هي الحل الوحيد لتوسيع الرقعة السكنية وبصراحة البلد شغاله كويس اوي في الحته دي!!"، قائلا: "احنا على طول بنتكلم على المشاكل والسلبيات وده حقنا لان كلنا نفسنا ان احنا نتقدم ونتطور بس لازم نقول على الحاجات الكويسه اللي بتتعمل".
يذكر أن الرئيس السيسى يفتتح اليوم عددا من المشروعات ضمن شبكة الطرق، على رأسها أخر قطاع بالطريق الدائرى الإقليمى، وهو القوس الشمالى الغربى الممتد من التقاطع مع طريق القاهرة - الإسكندرية الزراعى حتى التقاطع مع طريق القاهرة - الإسكندرية الصحراوى، بطول 57.5 كم، بالإضافة إلى 4 كبارى علوية؛ على رأسها محور طما على النيل بسوهاج، وكوبرى قوص أعلى شريط السكة الحديد بقنا.
تم أضافة تعليقك سوف يظهر بعد المراجعة