تفتحلك أبواب مقفولة
عينها عليك م الثانية الأولى
لو ثانية بتبعد عنها
دايما تبقي عليك مشغولة.
حاسة بتعبك من تنهيدك
أو حتي من رعشة ايدك
ف امتحانات وف مدرستك
دايما تهتم بمواعيدك
بتكون دايما مسئولة
نظرة عينها بحر حنان
قلبها بالدفا ليك مليان
لمسة إيدها بتدى أمان
قبل ماتطلب منها الحاجة تكون معمولة
تتمنالك كل الخير
تعلي وتنجح وبتقدير
وكمان لو تفديها بعمرك
عمره ما يبقى عليها كتير
وأنت صغير ف عنيها كنت العسولة
دعوات أمك
تفتحلك أبواب مقفولة
عينها عليك م الثانية الأولى
لما بتبعد عنها ثوانى
دايما تبقى عليك مشغولة
