حصدت الفنانة الشابة جيلان علاء على إشادات كبيرة بعد دورها فى فيلم "الكويسين"، والذى يعرض حاليا فى السينمات ودور العرض، ويشارك به كل من أحمد فهمى وحسين فهمى وأحمد فتحى وبيومى فؤاد وأسماء أبو اليزيد وشيرين رضا وعمرو وهبه وإخراج أحمد الجندى.
التجربة هى الأولى سينمائيا لجيلان علاء بعد المشاركة فى مسلسل "طلعت روحى" والظهور كضيفة شرف فى مسلسل "ريح المدام"، ومن قبلهما المشاركة مع أكرم حسنى فى برنامجه "أسعد الله مساءكم من جديد".
جيلان وضعت صورتها مع مخرج "الكويسين" أحمد الجندى، وعلقت على الصورة عبر إنستجرام: "أحمد الجندى يعنى طير انت.. يعنى لا تراجع ولا استسلام.. يعنى نيللى وشريهان.. يعنى الكبير أوى.. يعنى أفلام ومسلسلات مهمة أوى فى الكوميديا.. وآخرهم الكويسين.. اللى من الصعب أحكم عليه وأنا جزء منه.. بس هو كان حلم ليا من أول ما شفت طير انت إنى أشتغل معاك.. شكرا على اختيارك ليا وإصرارك عليا فى الفليم ده، ودى عندى من أهم الحاجات.. ثقتك.. والنجاح بإيد ربنا طبعا.. شكرا ليك تانى ويا رب التجربة دى تتكرر تانى ان شاء الله".
جيلان علاء
