شارك القارئ فادى عبد المسيح مهندس معمارى بالغ من العمر 25 عاما من أهالى الشارع الغربى حلوان بالقاهرة صحافة المواطن بموهبته فى graphic designer.
خالتى أطاطا
وقال القارئ فى رسالته: الموضوع بدأ معايا من 2011 لما كنت بعمل تصميمات لـcover facebook ببرنامج الـpower point وكنت مصدق نفسى جدا و كنت لاقى تشجيع من الناس ومبسوطين من اللى بعمله والموضوع اتطور فى 2012 لما جبت برنامج الـphotoshop وقعدت أجرب اشتغل عليه لمدة 6 شهور مع نفسى لحد ماواحد صاحبى فتح ورشة صيانة سيارات وطلب مني اعمله لافتة، فقولت اجرب ومن هنا كان أول حاجة تطبع و تعجب الناس ومن بعدها بدأ يكلمنى ناس على شغل وحبيت ان الموضوع مايبقاش مجرد شغل وخلاص فقررت إنى أكمل فى المجال بس بهدف إنى أوصل أفكارى والمواقف اللى بشوفها فى المجتمع عن طريق الفن.
أما عن الفكرة نفسها فيقول: بالنسبة لصور بيكاسو و دافنشى بروح مصرية فاحنا المصريين فى الأونة الآخيرة بدأنا نوصل لدرجة إن لكل واحد فينا كاركتر لواحده، فتخيلت إن لو بيكاسو ودافنشى كان موجودين الأيام دى عندنا هنا فى مصر كانوا هيرسموا أكتر من اللوح اللى رسموها بكتير فطبعا معرفتش استخدم شخصيات المصريين كلهم فى الرسومات فقولت أبداها بالكاركترات العامة اللى عارفنها وعلمت معانا فى الذاكرة.
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة،ليتم نشر الأخبار المصورة والفيديوهات بإسم القراء، عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
