بنهوى نعيش بأوجاعنا
ونتمسك ببياعنا
مابنفكرش غير ف اللى..
بقيت العمر يوجعنا
بنحلم نبتسم تانى..
لكن الفرح ودعنا
بنلقى الضحكه ممنوعة
بنلقى حياتنا مليانة
تذاكر حزن مدفوعة.. فيرست كلاس
مانيش قادر..ياحزن خلاص
بلاش الحكر ويايا
بلصم نفسى ع الآخر
وآخر فرحة كانت امتى.. مش فاكر !!
بداوى جروحى بالعافية..وبمطر دم
بقيت مزروع كما الوردة ف وسط الهم
وبسرق فرحى م الأيام ف وسط الغم
محدش حس جوايا ياخلق غبية مش بتشم
وبعمل قال مانيش فاكر.. بعيش عادي
وبضحك وارسم الفرحة..
لكن الضحك ع الفاضي
هعيش ازاى وانا مقتول
دى روحى سابتنى ف الماضي
بحاول وافتح الأبواب على قلبي
لكن القلب بقى مرصود
بناس بقوا فيا وقصادي
بقيت بحلم برؤيتهم
واحس حنان محسيتهوش
واخبى الدمع ف عنيا
مفيش غيرك..مابيحسوش
ياعمر بيجرى ع الفاضي
ياقلب خلاص ماهوش قادر
يامتقطع من الماضي
خلاص مليت ومش طايق
ل انا فاكر ولا ناسى
بقيت مسطول ولا فايق
بقيت ماشى بدون حسبان
بقيت بقفل ف وش الناس
طرق وبيبان
بقيت منفوخ على الفاضى..
مانيش مليان
بقيت فعلآ مانيش عارف
انا كويس ولا تعبان..
جبل فعلآ..لا إنسان
