بعشرات الآلاف من التدوينات والتغريدات، ظهر هاشتاج #احنا_كشباب_من_حقنا قائمة ترند تويتر فى مصر وعدد من الدول العربية، أعرب من خلال المغردين عن أهم ما يحتاجونه من حقوقهم وأحلامهم من وجهة نظرهم.
وتنوعت تغريدات المدونين، حيث قال حسين: "من حقنا نحمى الوطن، ومن حقنا أن نعمل ونساهم فى بناء المجتمع وحمايته، ومن حقنا أن نتعلم"، بينما قالت إسراء: "نعيش حاضرنا عشان نعرف نبنى مستقبلنا".
إسراء
أما إسلام مجدى، فقال: "احنا كشباب من حقنا نحلم ونحقق أحلامنا ونحولها لواقع، مش لازم نحس إنها مستحيلة أو صعبة"، وقال عمر: "من حقنا نتقدر ونلاقى بنت اللى تصون وتحترم وتقدر الراجل الشاب اللى معاها، من حقنا منشلش هموم وحزن أكبر من سننا، من حقنا لما نروح نتجوز نلاقى أهل تقدر ظروف الشباب ونلاقى بنت تعافر معاك وتصبر عليك، من حقنا نلاقى شغل بمرتب يكون فى نسبة وتناسب فى المعيشة".
إسلام مجدى
بينما قال محمد إبراهيم: "كشباب محتاجين شقة، عربية، جوازه، وظيفة، فلوس فى البنك، شركات ومصانع، كفاية كده عشان ميقولوش علينا طماعين"، وقالت مى مجاهد: "ربنا يجمعنا فى بطاقة تموين واحدة"، فيما رأت غادة: "إحنا كشباب محتاجين حد يفهمنا إحنا عايزين إيه، ومحتاجين حد يقدرنا ويحترمنا مش يحبطنا"، وقال آخر: "إحنا كشباب محتاجين منتخبنا يأخد كأس العالم"، فيما قال حساب باسم الجنرال: "إحنا من حقنا ناكل فى أى مكان ببلاش".
الجنرال
حسين
عمر
غادة
كرمه
محمد إبراهيم
مى مجاهد
تم أضافة تعليقك سوف يظهر بعد المراجعة