تحفظ مسئولو نادى المقاصة على العرض المقدم من النادى الأهلى، والذى يقضى بتنازله عن قيمة الـ600 ألف دولار التى سيحصل عليها نظير بيع الغانى جون أنطوى للنادى الفيومى، وفقا للعقد المبرم بين الطرفين، مقابل الموافقة على بيع خدمات أحمد سامى مدافع المقاصة للقلعة الحمراء.
ورفض مسئولو المقاصة عرض الأهلى بسبب أن قيمة سامى تفوق قيمة أنطوى باعتبار أن المهاجم الغانى يتبقى له موسم واحد فى عقده مع الأهلى ويحق له الانتقال المجانى فى يناير المقبل، بعكس سامى الذى يرتبط بعقد طويل الأمد مع ناديه.
وصرح مصدر مسئول فى المقاصة متسائلا، كيف يوافق الأهلى على شراء صلاح محسن من إنبى بما يقارب الـ40 مليون جنيه ويطلب شراء أحمد سامى بـ10 ملايين جنيه فقط؟ مؤكداً أن إدارة ناديه لم تضع مبلغا معينا للموافقة على بيع سامى للأهلى حتى الآن.
عدد الردود 0
بواسطة:
ali
سياسة الأهلى في تصعيد الناشئين فاشلة
بدليل تألق لاعبيى الاهلى من الناشئين من هم من استغنى عنهم وهم كثر محمد حمدي ومحمد حسن وكريم بامبو والشبراوي وكثير وكثير لماذا لايعتمد الاهلى على الناشئين من سياسة اعارة الناشئ اذا كان مركزة ممتلئ اعارة طويلة مع تمديد عقدة او اعارة قصيرة في حالة النادي محتاج له
عدد الردود 0
بواسطة:
Ahmedfakhey
رأى الذى للقيمة لة
مين احمد سامى ومقارنة بإحدى هدافى الدورى على إدارة الأهلى استلام 600الف دولار وشراء لاعبين اميز واحسن من احمد سامى
عدد الردود 0
بواسطة:
رشاد وعد محمد
المقاصة وسموحة وانبي بيستغلونااااا
لمقاصة وسموحة بيلعبو بالاهلي بيعطونا لاعيبة بعشرات الملايين وياخدو مننا بملاليم مصر مليانة مدافعين والناشئين اكيد فيهم اكتر من مدافع متميز غير الدرجة التانية اللي أخرجت عظماء ومشاهير في كل الخطوط الأهلي لازم يبعد عن شراء لاعيبة بملايين ويبحث في الناشئين والدرجة التانية عن مدافعين لكن واحد زي انطوي اقوي مهاجم في مصر اللي بيهدف ويصنع ويدافع تمنه مايساوي مدافع يعتبر فريقه من اضعف فرق الدوري كدة اسمه هبل واستعباط واستغلال احنا لازم نرجع انطوي للأهلي ويلعب أساسي نعطيه فرص زي ازارو واجاي وهاتشوفو انطوي هايعمل ايه لان الهداف الوقتي عملة نادرة لكن استغلال وطمع المقاصة وسموحة ومعاهم انبي لازم ينتهي وكفاية اللي خدوه من الاهلي السنين اللي فاتت أطالب إدارة الأهلي استرجاع انطوي باي ثمن ونستغني عن باكا اللي مش بيعرف يلمس الكورة ومعاهم معلول اللي مقدمش مع الأهلي نص مستواه الا إذا كان دة مستواه ازارو واجاي وانطوي هايكسرو الدنيا في الاهلي كفاية بقي استغلال مين يصدق أن مدافع اغلي من مهاجم رهيب زي انطوي ثالث هداف افريقي في مصر ومسجل 25 هدف في موسم ونص في الدوري الاستغناء عن انطوي غلطة كبيرة الاهلي محتاجه جدا جدا ياريت يا كابتن خطيب ما نتعاملش مع الأندية دي نعمل زيهم وتجيب لاعيبة ونصبر شوية عليها ونوفر الملايين اللي بيستغلونا أندية المقاصة وسموحة وانبي ولو مش عاوزينه يلعب تبيعه بأقل شي تلات ملايين دولار يعني خمس أضعاف سعره للمقاصة ومنه لله اللي كتب عقد الإعارة بتاع انطوي لأنه أعطاهم اللاعب علي طبق من ذهب كفاية تريقة فرج عامل وتباهييه في كل القنوات أنه بياخد لاعيبة بعشرات الألوف وببيعهم الاهلي والزمالك بعشرات الملايين وقالها كتير في كل الصفقات ...
عدد الردود 0
بواسطة:
ابن مصر
قطبى الكرة المصرية
الاهلى والزمالك دمرا قطاع الناشئين وهذا يعود بالضرر عليهم وعلى المنتخب اين الناشئين الذين صعدهم الاهلى والزمالك من خمس سنوات مقارنة بالاجيال السابقة للقطبين اقول انه تم تدمير قطاع الناشئين
عدد الردود 0
بواسطة:
اهلى
المعاملة بالمثل
يجب على النادى الأهلى حفظ اسم النادى من هؤلاء المتعنتين " المقاصة و سموحة " و اللى يظهر عكس ذلك مع نادى اخر غير الاهلى .. الاهلى لازم يرد عليهم بالمعاملة بالمثل و التعنت و المغالاة الشديدة عندما يريدون لاعب زى مثلا ما ارادو عادل عبدالمنعم تساهلنا معاهم وبعناه برخص التراب انما فيه اندية مينفعش معاها السياسة دى عاوز تغلى و تساوى اللاعب المدافع بالمهاجم و تخليها سلطة عايز اقل لاعب تبيعه يبقا ب ٢٠ او ٤٠ مليون اشطا و تماما بس لما تيجى تجيب من عندى لاعب ابقا اضرب الارقام دى فى ٢ لان انتوا لا حاجة جنب اسم و حجم و تاريخ الاهلى الطبيعى ان يبقا عندنا الجمل وان انتو اللى عندكوا القط على راى القيعى والله احنا لاعيبتنا دولية حتى اللى مش دولى منهم بيبقا عندهم خبرة افريقية انما تجيلى اندية شركات كل همها الفلوس تحاول تقلبلى الاية و تخليلى القط جمل و الجمل قط لا دا يبقا خط احمر ارجو من ادارة الاهلى لا تنساق وراء هذا التعنت الواضح امام الجميع و بالادلة و يجب قطع علاقة الاهلى بهم فى مجال التعاقدات ع الفور