تسمحيلى...
بكلمة واحدة
ولا خليهم كلمتين
و لا اقولك اسمعينى
حابب أرغى...
حبتين ..
هما يعنى مهما كتروا
مش راح يعدوا ...
المتين..
من زمان ..
انا قلبى دايب
لاهو حاضر
لاهو غايب
يدق دقة بيها أعيش
و يدق ليكى ..
دقتين ..
من جمال عينيكى تاه
حتى نوم الليل نساه
ياللى قلبك طوق نجاه
حنى حتى بنظرتين
نظرة تحكى ايه ف قلبك
ونظرة تخطف قلبى جنبك
ولما ليكى أقول "بحبك"
عينيكى تضحك..
ضحكتين..
ألقى فجأة
الكون ينور
وكل يوم هوانا يكبر
وفرحتى لما أشوفك
تبقى دايما .، فرحتين
كل عمرى هعيشه ليكى
عمرى مابقى ف يوم ناسيكى
هو لما اكون معاكى
هقدر أبعد .. ثانيتين ؟!
