تحية منى ليك، يا اللى كباية شاى أو فنجان قهوة كفاية إنه يصحيك
تحية منى ليك، يا اللى عارف تحافظ على صحتك ولا فارق معاك مغريات كتير تغريك
ده أصله وباء وانتشر والسم خلاص بقى جوه أجسام ناس كتير حواليك
خلى بالك ابعد، واهرب بسرعة لو حسيت إن فى حاجة من ديه مقربة عليك
وأوعى فيوم تسمح لحد يخدك على خوانه ويقولك جرب ديه حاجة منى ليك
وساعتها هتقع فى الفخ يا فالح وهتبقى ديه بداية المأساة والمهاليك كلها ليك
وتبدأ تصرف وتدفع دم قلبك فى السم الهارى اللى هيدمر ويموت فيك
وبعد ما كنت شهم عزيز النفس هتلاقى إيدك اتمدت لكل قريب وغريب عليك
طب كان عليك بأيه ده كله شحططه ليك ولكل اللى حواليك
تخيلت وشوفت السم الهارى إزاى مؤذى ولدرجة إيه ممكن يذل ويموت فيك
اوعاك تفكر وتقول بس أجرب علشان ديه كانت بداية كل اللى قبليك
يابنى حرام عليك عيلتك وبيتك وأسرتك هما أولى أكيد بيك
فاحذر لتدمر نفسك وتدمر كل اللى حواليك بإيديك
حصن نفسك كده ديما بقربك لربك ،وادعيلوه يبعد عنك أى وباء ممكن يقرب ليك
قولتها فالاول وهقولها تانى برضو ليك علشان انا ديما هحييك والمجتمع كله لازم يحيى فيك
تحية كبيرة منى ليك، يا اللى كباية شاى أو فنجان قهوة كفاية إنه يصحيك
