قال الناشر محمد عبد المنعم، صاحب دار سما للنشر والتوزيع، إن الإذاعى أحمد يونس، صاحب برنامج كلام معلمين على راديو 9090، يضع لمساته الأخيرة فى روايته الجديدة "نادر فودة ٢ كساب"، مع سما للنشر والتوزيع لتكون هدية القراء فى العيد الكبير.
ومكتوب على ظهر غلافها "أنا نادر فوده.. رجعت من جديد بعد اقناع من صديقى أحمد يونس علشان أكمل المشوار اللى بدأته.. رجعت بعد ما تخطت روايتى الأولى الأربعين طبعة.. رجعت بعد ما روايتى الاولى حضر توقيعها فى معرض الكتاب ١٢ الف محب ليا وخطمت كل الارقام ..كنت فاكر ان الوقاد هو قمة الشر!.. كنت فاكر إنى هقدر أعيش حياتى بهدوء!..لكن من الواضح أن اللى زيى وزيك موضوع الراحة ده مش حليفهم !..فى روايتى التانية.. حابب أفكرك أنك متربطش بينها وبين قصص الراديو نهائى ..حابب اقولك أن الرواية كلها بالعامية المصريه علشان هى الوحيدة اللى قدرت تعبر عنى كويس جدا!.. مقدرش اوعدك انك هتلاقى عندى الخير دايما بينتصر على الشر..ولا اقدر اوعدك انك هتلاقينى دايما فارس العصر!..لكن اقدر أوعدك كويس جدا أنك هتعيش معايا هنا مغامره ... الفزع هو ابسط تعريف لها.. قلل إضاءة أوضتك..أسمع أشهر تراكات قصصى.. أو أقعد عالبحر بالليل.. وابدأ الرواية واقرأها بهدوء ومزاج عشان مجرد ما تخلصها صدقنى هتزعل جدا أنها خلصت"...
