فرتك وقطع فى أجسامنا عمرك ما هتقدر تقسمنا
دا قلب بلدنا جمعنا جوة عروقها وشرايينها
مين اللى يقدر يفرقنا وعروقنا شاربة من نيلها
إحنا اللى بتدق أجراسنا وقت ما أذاننا بيكبر
إحنا علامة بتاريخنا إحنا الإسكندر الأكبر
بطل تتلزق فى دينا يا إرهابى يا حقير
ياللى أنت عبد للسيادة اللى عاشقة للتفجير
صبرنا عليك أوى بزيادة ولازم تعرف إحنا مين
إحنا الجوامع والكنايس والمحبة والسلام
إحنا الصليب مع الهلال اللى عايش فى المكان
فى حى شبرا والعجوزة، الزمالك والحسين
فى المطرية والمنيرة، الحلمية وعابدين
بطل تتآمر علينا يا غبى يا ابن الأمير
دا أنت كلك أد لعبة أد شبرا بالكتير
ولازم تعرف إننا نقدر نجيب فى ثانية عاليك واطيك
وإن الفراعنة عزيمتها أقوى من الجبان اللى بيحميك
