أبدى الإعلامى عمرو أديب، استيائه من الهجوم الذى يتعرض له الفريق أحمد شفيق، بعد إعلان عودته لمصر مرة أخرى، مؤكدًا على أن مصر دولة ديمقراطية ويحق لأى فرد فيها الترشح للانتخابات الرئاسية، سواء كان الفريق شفيق أو غيره، مضيفا: "خلوه يرجع، ومن حقه يترشح ويبقى رئيس جمهورية".
وقال "أديب" خلال تقديمه برنامج "كل يوم"، المذاع عبر فضائية "ON E": "هل سنجرى الانتخابات القادمة دون ترشح أحد أمام الرئيس؟.. دى تبقى نكته ، أكيد فيه بعض الناس متضايقه من الانجازات اللى حصلت ، ومن القرارات الاقتصادية اللى حركت الأسعار ، خلاص من حقكم تنتخبوا اللى عايزينه وتجيبوه عن طريق صناديق الانتخابات فى 2018 ، سواء الفريق أحمد شفيق أو غيره ، شوفوا برنامج اللى هيترشح ولو كان عنده حلول كويسة لمشاكلنا الكتيره هاتوه رئيس ، دا من حقكم ، مضيفا : " بلاش الحالة غير الديمقراطية، فأى إدارة فى العالم تكتسب شرعيتها من المعارضة والمنافسة ولو دخل الرئيس السيسى انتخابات 2018 لوحده هتبقى نكتة"
وتابع عمرو أديب: "لا تقمعوا أصحاب الأمل ولا ترعبوهم، والفريق أحمد شفيق الذى يهاجمه البعض الآن هو الذى حصل على 11 مليون صوت أمام محمد مرسى".
