أى كلام شيكا بيكا
سقف وارقص يا ويكا
قالوا عليها أغنية مزيكا
رقم واحد سوبر ميوزيكا
واللى مغنيها اسمه كيكا
لا دارس ولا فاهم عامل بوليكا
سقفه ع الطبلة وشوية بوليتيكا
قال تطور و مزيكا فابريكا
شغل كهربا على ميكانيكا
من غير احساس حاجة ديناميكا
يتنطط طأطأ وترقص ريكا
إثارة وإغراء ولا ف أمريكا
لا وعجبه كوكى و مليكة
وداخله دماغ ماندو وميكا
أغنية تافهة وركيكة
والخلاصة تمسحها بأستيكة
ها ها ها على دى مزيكا
فيه أزمة ثقافية وشيكة
والفن مريح على الاريكة
القنوات اصبحت شريكة
ومن أسوأ لأسوأ دى الحقيقة
حاجة بقت خنيقة
تجيب ضغط وحريقة
فين الفن فين المزيكا
فين الحاجات الحلوة الانتيكة
على النهاوند والصبا والسيكا
