الصديق الوفى
موجود ومش خفى
فى وقت الضيق
أجمل رفيق
فى المواقف
معاك ثابت وواقف
يحسك وأنت بتتألم
من غير ما تقول ولا تكلم
ممكن بكلمة يداويك
يقف جنبك ويراعيك
عملة نادرة مش خردة
عمره ما يضحك عليك
يقف جنبك يشتريك
يشاركك الهموم والضيق
يهون عليك هموم الطريق
ولو طال تلاقيه خير رفيق
لو غلطت
يعذرك ويسامحك
معاك على طول
فى حزنك قبل فرحك
يسد مكانك فى غيابك
ولو ناديته واقف على بابك
يحس بيك
بنظرة من عينيك
يعرف إيه اللى صابك
وإيه اللى فيك
لو بكيت
يمسح دموعك بأيديه
ولو فرحت
كأن الفرح ليه
معدن غالى فى الزمن
ود وحب من غير ثمن
