النائب محمد الحسينى للحكومة: "مش هتاخدى جباية من المواطن تانى..ومنظومة القمامة فاشلة"

هاجم النائب محمد الحسينى، الحكومة لفشلها فى التعامل مع أزمة القمامة وإيجاد حلول واقعية على أرض الواقع، قائلا: "المنظومة فشلت يا حكومة، وأوعى حد من الحكومة يقولى عايزين جباية من المواطن تانى".

وقال "الحسينى" خلال الاجتماع المشترك للجنتى الإدارة المحلية والطاقة والبيئة بمجلس النواب، المنعقد الآن، بحضور وزيرى التنمية المحلية والبيئة: "بحترم وزير البيئة وبحب بتاع التنمية المحلية، لكن أؤكد إننا فشلنا فى الجيزة، وفى إمبابة  الوزير المحترم وزير البيئة راح إمبابة وركب موتوسيكل ووجد أنها فاشلة..إحنا فشلنا ومش عيب نفشل ونجرب تانى..فنجاح الحكومة نجاح فعلى للنواب".

وتابع:"وزارة البيئة شغالة كل حاجة مينفعش، والتنمية المحلية نجنبها على جنب، أنا بكره الكلام الأكاديميى إللى ملوش علاقة بالشارع، هتشتغل لوحدك هتفشل تانى، ورئيس الجمهورية بقوله ربنا يكون فى عونك".