اللمة تحلى ولو على لقمة
أجمل حاجة مش بالذمة
فى عيون حلوة تشوف بسمة
وبكلمة حلوة تعدى نسمة
سلام وكلام عن الأحوال
مش قالوا وقلنا وقال
اللمة تحلى مع أحلى عيلة
نرسم صورة حلوة جميلة
ضحكة جميلة من قلب صافي
مشاعر رقيقة وحب دافي
نتجمع سوا فى كل مناسبة
تتصافى القلوب من غير محاسبة
ولو فيه عتاب يبقى علشان أحباب
أطفال حلوين تلعب بالبلالين
وناس كبار وقار قاعدين
الشباب على السقفه مهيصين
على غنوة حلوة مبسوطين
الكل سعيد ده شى أكيد
والله لمتنا دى احلى عيد
ذكرى حلوة تعيش فى قلوبنا
ما ننساها طول حياتنا
ونتصور صورة سيلفي
مع بعض بضحكة تكفي
الوقت يعدى ونقوله هدي
ونتمنى اليوم ما يعدي
الساعات تمر فى ثواني
واشتياقنا ليوم نتلم تاني
ده من غير العيلة غربة
والغربة فى الوحدة صعبة
يا رب تدوم علينا نعمة
وما يحرمنا منها اللمة
مش اللمة حلوة بالذمة
أصدقاء - أرشيفية
