الإعلام بقى سداح مداح
والغلط بقى شيء مباح
اللى يقدر يفتح قناة
يقول فيها اللى على هواه
الفضائح على الهوا
بقت علنى ومن غير خشا
والحوار بين الكبار
يا يتقلب بخناقة أو قفش بهزار
أو جدار عازل ونار
برامج هلس وفارغة
تضييع وقت وفيها مبالغة
فيها استخفاف بالعقول
ولا رقابة عليها ولا مسئول
واللى يفتى فتوتين
من غير علم فى أصول الدين
وأغانى غريبة الشكل والمضمون
تأذى الاذن وتتعب العيون
ألفاظ خارجة ومناظر عرجة
وتبقى تافهة ومضمونها هايفة
ضعف شديد فى بعض القنوات
حالة غريبة من الانفلات
والشغل كله على الاعلانات
لا تلاقى فيها أى مهنية
بقت فتونة وبلطجية
محتاجين معجزة ألهيه
تخلصنا من المصيبة ديه
دول استثمرت فى الاعلام
قفزت بيه مراحل قدام
عايزين برامج وحوارات هادفة
تبنى عقول مبدعة وواعية
برامج مدروسة تستحق المشاهدة
واللى يراعى مهنية الإعلام
يستحق منا الاشادة والاحترام
شخص يشاهد التلفزيون - أرشيفية
