خيوط وإبرة تريكوه وكروشيه و أصابع أنهكها العمل وأكسبها خبرة 45 سنة فى المشغولات اليدوية والتطريز، هذه هى أدوات فتحية أو "فوفا" كما تحب أن يناديها الآخرون، تعلمت فوفا شغل التريكوه وهى فى الثامنة من عمرها خاصة وهى لم تكن على وفاق مع التعليم فقررت أن تنمى موهبتها التى كبرت يوماً بعد يوم، حتى أصبحت ترسم تصميمات خاصة بها وتنفذها، ومسكنها بجوار معهد الفنون المسرحية جعل منها مصممة المشغولات اليدوية الخاصة بعدد من طلبة المعهد.
وجه بشوش وملامح رقيقة أبرزتها فوفا بأدوات التجميل البسيطة التى أخفت علامات تقدم العمر، وأخفت سنواتها الـ 62، لتحسبها فى بادئ الأمر امرأة أربعينية خاصة بعد أن ترى جسدها الرشيق وجلستها الممشوقة وسط بضاعتها الموجودة بفرشتها لخاصة بسوق الثلاثاء، و ردودها المرحة على زبائنها من الفتيات والشباب صغار السن.
أداوت فتحية
البونيه الخاص بها من شغلها اليدوى
"بحب الشغل، واشتغلت مع مجدى أبوعميرة فى معهد الفنون المسرحية" هكذا بدأت فوفا حديثها لـ اليوم السابع عن رحلتها مع العمل وقالت "مكنش ليا فى التعليم، وبعشق الشغل والتطريز، وعشان بيتى جنب معهد الفنون المسرحية كان المخرج مجدى أبوعميرة يبعتلى الطلبة اللى بيمثلوا فى المسرحيات أعملهم بدل رقص أو الملابس بتاعت المسرحية، وخدنى كمان كومبارس فى كذا مسرحية".
وأضافت "مقدرش أقعد من غير شغل، ومن يوم ما جوزى مات وانا ماليش غير شغلى، جوزت منه ولادى وبقيت جدة دلوقتى، وهفضل أشتغل زباينى بيجولى من ىخر الدنيا، وبعدين التريكوه والشغل اليدوى ده فن وعاوز مزاج مش سلق بيض".
الخيوط
جانب من عملها
وعن طقوسها أثناء عملها بالمشغولات اليدوية قالت "انا بصحى بدرى أوى على الساعة 5 الصبح، أعمل قهوتى و أحط السماعات فى ودانى وبحب أسمع وائل جسار وتسلم الأيادى وأشتغل بقى بمزاج، ولما باجى سوق التلات بجهز كل حاجتى من قبلها بيوم وأجى هنا من الفجر ونمشى على الساعة 6، وزباينى بيستنونى من الأسبوع لـ الأسبوع".
دقة فى العمل
فتحية بسوق الثلاثاء
وتابعت "شغل الواحدة هو أهم حاجة فى حياتها، انا ليا اخواتى كلهم مراكز كبيرة أوى، لكن شغلى مخلنيش أمد إيدى لحد موت جوزى، ولما كنت فى المشغل اتعلمت أعمل كل الشغل بتاع المكن، لكن شغل الإيد مفيش أحلى منه، ده غير إنى البونيهات بتعاتى وحاجتى احب أعملها لنفسى".
وأضافت "انا كمان عملت دعاية لنفسى، كبت ورق كرتون وعملت كروت ليا وكتبت اسمى وأرقام تليفوناتى عشان زباينى يبقوا على اتصال بيا".
الكارت الشخصى اليدوى
فتحية تتحدث لـ اليوم السابع
