للشهيد إللى فارق أهله وعياله
تعظيم سلام
للأم إللى صبرت ودمه وعياله
ف القلب ساكن وف الننى خياله
يفوح عطره للغمام
ويفضل اسمه ابتسام
ف عيون السنين والأيام
ف زهور الياسمين والريحان
ف أوراق الورد البلدى أطنان
ف أغصان أشجار الرمان
ويفضل صوته كروان
ف السما رنان
همس وحنان
ومن الأرض للغمام بتكون دعياله
وعدد الرمال والتراب مشتقاله
وتقل الجبال حنين لحظة تقف قباله
ولأجل كرامة بلدها
يهون فقدانها لولدها
وتهون حتة من جسدها
تتبسم لما ينول الشهادة
وتقول أصله كان مخلص ف العباده
واتمناها وكانت قدر وإرادة
ونال الشهادة
ونال الشهادة
تعظيم سلام
تعظيم سلام
جنازة - أرشيفية
